Sınoptıkter 24 maýsymǵa arnalǵan aýa raıy boljamyn jarııalady, dep habarlaıdy Egemen.kz.
«Atmosferalyq frontaldy bólikterdiń áserinen el aýmaǵynyń basym bóliginde turaqsyz aýa raıy saqtalady, jańbyr jaýady, naızaǵaı bolady, eldiń ońtústik-shyǵysynda qatty jańbyr jaýady. Respýblıka boıynsha jel kúsheıip, burshaq, daýyl, ońtústik-batysta, kúndiz ońtústik-shyǵysta shańdy daýyl bolady», delingen habarlamada.
Atap aıtqanda, kúndiz Jetisý oblysynyń shyǵysynda, Túrkistan oblysynyń batysynda, soltústiginde, shóldi aýdandarynda, Qaraǵandy, Abaı oblystarynyń ońtústiginde, Atyraý, Mańǵystaý, Aqtóbe, Qostanaı, Ulytaý, Qyzylorda, Jambyl, Pavlodar, Aqmola oblystarynyń basym bóliginde qatty ystyq bolady.
Kúndiz Aqtóbe, Qostanaı, Ulytaý oblystarynyń ońtústiginde óte qatty ystyq bolady.
Qyzylorda oblysynyń basym bóliginde, Abaı, Almaty oblystarynyń batysynda, Atyraý oblysynyń batysy men shyǵysynda, Aqtóbe oblysynyń ońtústiginde, shyǵysynda, Ulytaý aýdanynyń ońtústik-batysynda, Qaraǵandy, Jambyl, Batys Qazaqstan oblystarynyń ońtústik-shyǵysynda tótenshe órt qaýpi saqtalady.