Qazaqstandyq boksshy Ivan Dychko (11-0, 11 KO) Argentınanyń Býenos-Aıres qalasynda ótken boks keshinde óner kórsetti, dep habarlaıdy Egemen.kz Sports.kz saıtyna silteme jasap.
Ol boks keshinde argentınalyq Kevın Espındolamen (7-3, 2 KO) judyryqtasty. Sýperaýyr salmaqtaǵy jekpe-jek 10 raýndqa eseptelip, sońyna deıin sozyldy. Jekpe-jektiń nátıjesinde Ivan Dychko tóreshilerdiń biraýyz sheshimimen jeńiske jetti.
Ivan Dychko osylaısha kásibı sporttaǵy 12-jeńisine qol jetkizdi. Ol búginge deıingi kezdesýleriniń bárin merziminen buryn jeńispen aıaqtaǵan bolatyn.
Munyń aldynda ol byltyr jeltoqsan aıynda Nur-Sultan qalasynda 45 jastaǵy reseılik Aleksandr Ýstınovpen (36-6-1, 27 KO) qarsy kúsh synasty. Ol qarsylasyn alǵashqy raýndta-aq tehnıkalyq nokaýtpen jeńdi.
Dychkonyń búgingi qarsylasy – Kevın Espındola osymen tórtinshi ret jeńilip otyr. Ol bıyl sáýirde tóreshilerdiń biraýyz sheshimimen jerlesi Naýel Palasıostadan (1-7, 0 KO) basym túsken bolatyn.