ASTANA. 25 sáýir. Astanada ótip jatqan kúresten Azııa chempıonatynda qazaqstandyq Tatıana Amanjol chempıon atandy. Bul týraly egemen.kz tilshisi habarlady.
Birinshiliktiń áıelder kúresine arnalǵan týrnırinde 48 kıloǵa deıingi salmaqta kúsh synasqan Tatıana Amanjol fınalda mońǵol áriptesi Narangerel Erdenesýhty 4:1 etip utyp, altyn medalge qol jetkizdi. Bul kúni qazaqstandyqtarǵa kelesi júlde – qola medaldi 67 kıloǵa deıingi salmaqta kúresken erkin kúres sheberi Dáýlet Nııazbekov alyp berdi. Ol úshinshi oryn úshin talasta qyrǵyz Bazar Býzargýrýevti 4:2 etip utty.
Eske sala keteıik, qurlyq chempıonatynyń birinshi kúni qazaqstandyqtar birden úsh medal aldy. Erkin kúres sheberi Rýslan Qalıev 57 kıloǵa deıingi salmaqta chempıondyq tuǵyrǵa kóterilse, 84 kıloǵa deıingi salmaqta Aslah Kahıdze – kúmis, al 125 kıloǵa deıingi salmaqta Dáýlet Shabanbaı qol medaldardy qorjynǵa túsirdi.
Chempıonat 27 sáýir kúni márege jetedi.
Damır Qojamqul.
Derekkóz: egemen.kz.
Foto: vesti.kz.