Saf aýadaǵy serýen

Ujymdy Aqparat jáne qoǵamdyq damý mınıstri Asqar Omarov arnaıy kelip qut­tyqtady.

– Úsh jyl buryn Memleket basshysy Qasym-Jomart Toqaev Buqaralyq aqparat quraldary qyzmetkerleri kúnin arnaıy Jarlyqpen bekitken bolatyn. Sol ýaqyttan beri bul jýr­nalıster qaýymy asyǵan kútetin merekege aınaldy. Úsh jylda kóp ózgeris boldy. Otandyq medıa jaqsy damyp keledi. Egemen Qazaqstan jáne «Kazahstanskaıa pravda» gazetteri óz bıiginen tús­peı, atyna zaty saı basylymdar ekenin dáleldep otyr, – dedi Asqar Omarov.

Mınıstrdiń aıtýynsha, qos gazetti de el Prezıdenti muqııat oqıdy. Basylymdarda shyqqan ózekti materıaldar boıynsha tıisti oryndarǵa tapsyrma be­­redi.

– Máselen, Memleket bas­shysynyń Egemen Qazaqstan gazetinde jarııa­lanǵan Batys Qazaqstan oblysyndaǵy jol máselesine qatysty maqalaǵa nazar aýdaryp, sonyń nátı­je­sinde úlken jumystar qol­ǵa alynǵany kópshiliktiń esin­de dep oılaımyn. Ahmet Baı­tursynuly «Gazet – halyq­tyń kózi, qulaǵy hám tili» degen bolatyn. Bu­dan asyryp aıta almaspyz. Ege­men Qazaqstan jáne «Kazah­stanskaıa pravda» ga­­zetteri Ahmet babamyz aıt­qan úde­den shyǵyp otyr. Sebebi elimizde klassıkalyq túrde konvergenttik formatty paıdalanyp júrgen basqa basylym joq. Kásibı mereke qarsańynda bir shańyraq as­tyna uıysqan qos ujymǵa tolaǵaı tabys tileımin. Ju­mystaryńyz je­misti bolsyn! – dedi mınıstr.

Asqar Omarov qos gazet­tiń qyzmetkerlerine Prezı­dent Qasym-Jomart Toqaev­tyń Alǵys hatyn jáne mınıs­trliktiń arnaıy marapattaryn tabys etti. Sondaı-aq Egemen Qazaqstan jáne «Kazah­stan­skaıa pravda» gazetteriniń 100 jyl­dyǵyna arnalǵan mereı­toı­lyq medaldardy tapsyrdy.

Basylymdardyń ujymy tabıǵat aıasynda voleıbol, arqan tartý, asyq, bes tas, sadaq atý sekildi sport túrlerinen syn­ǵa tústi. Sonymen qatar eks­­promt músháıra uıymdas­ty­ryldy. Ásem án de shyrqaldy, bı de bılendi. Úzdik shyqqandar arnaıy syılyqtarmen marapattaldy.

Shattyqqa bólep, shalqar shabyt syılaǵan is-sharadan jýrnalıster qaýymy kóterińki kóńil kúımen tarqasty.