«QazTransGaz Aımaq» AQ Qazaqstan Respýblıkasynyń Ákimshilik quqyq buzýshylyq týraly kodeksiniń 166-babynyń 2-bóligi boıynsha ákimshilik jaýapkershilikke tartyldy, dep habarlaıdy Egemen.kz.
Kompanııaǵa ınvestısııalyq baǵdarlamalardy iske asyrýǵa paıdalanylmaǵan somanyń 10% mólsherinde aıyppul salyndy. Bul 5 mln 340 myń 143 teńge.
«QazTransGaz Aımaq» AQ taýarlyq gazdy bólshek saýdada ótkizý salasyndaǵy qoǵamdyq mańyzy bar naryqtyń sýbektisi bola otyryp, shekti baǵalarda eskerilgen ınvestısııalyq baǵdarlamanyń is-sharalaryn oryndaýǵa mindetti. Qoǵam taýarlyq gazdy bólshek saýdada ótkizý qyzmeti boıynsha 2021 jylǵa bekitilgen ınvestısııalyq baǵdarlamanyń is-sharalaryn oryndamaǵan», deıdi QR EM Tabıǵı monopolııalardy retteý komıtetiniń baspasóz qyzmeti.