Búgin Qaraǵandy qalasynda qańtar oqıǵasynda qaza bolǵan Ulttyq ulan sarbazy Madııar Qaısarovtyń qurmetine memorıal taqtasy ashyldy, dep habarlaıdy Egemen.kz.
Estelik taqta sarbazdyń úıiniń qabyrǵasyna ornatylyp, gúl shoqtary qoıyldy.
«Madııardyń erligi - bárimizge úlgi. Elimizdiń basyna kún týǵan kezde qanshama sarbaz sapta turyp elimizdiń tynyshtyǵy úshin aıanbaı ter tókti. Olardyń ıgi isi jadymyzdan óshpeıdi», dep atap ótti Qaraǵandy qalasynyń ákimi Ermaǵanbet Bólekpaev.
Saltanatty is-sharaǵa Qaraǵandy qalasynyń ákimdigi, dinı basqarma ókilderi men Ulttyq ulan «Ortalyq» óńirlik qolbasshylyǵynyń áskerı qyzmetshileri keldi.
«Elin qorǵaý jolynda óz janynyń amandyǵyn oılamaı, lańkeske qarsy tótep berip, erjúrek áreketimen qaza bolǵan qarýlas baýyrymyzdyń esimi máńgi ulyqtalady. О́z antyna adal bolǵandarǵa máńgilik taǵzym!», dedi «Ortalyq» óńirlik qolbasshylyǵynyń tárbıe jáne áleýmettik quqyqtyq jumys jónindegi orynbasary, polkovnık Qanat Belıakov.