Sıfrly tehnologııany aýyl sharýashylyǵy salasyna da engizýge bolady. Bul ádisti Qurmanǵazy aýdanyndaǵy «Qarasha» sharýa qojalyǵy qolǵa aldy. Qazir atalǵan sharýashylyqta óriske shyqqan múıizdi iri qara elektrondy baqtashymen baqylanady.
Sharýa qojalyǵy Asan aýyldyq okrýginde tirkelgen. Qojalyq jetekshisi Mánsııa Ábilhaıyrovanyń aıtýynsha, «elektrondy baqtashy» qurylǵysyn iske qosý úshin Germanııadan tórt shaǵyn elektr stansasyn satyp alǵan. Ár stansa kún kózinen qýat alady.
– Bizdiń qojalyqta 400-den astam múıizdi iri qara bar. Maqsatymyz – turǵyndardy sapaly ónimmen qamtý. Ieligimizdegi 12 shaqyrymdyq jaıylymdy elektr jelisine qosylǵan symmen birge tartylǵan jippen qorshadyq. Bul jobanyń ózindik ereksheligi bar. Birinshiden, malymyzdy urydan, ekinshiden, ıt-qustan qorǵaýǵa múmkindik alyp otyrmyz. Arnaıy mamandarymyz «elektrondy baqtashynyń» úzdiksiz jumys isteýin únemi baqylaıdy, – deıdi M.Ábilhaıyrova.
Atyraý oblysy