Fýtboldan Qazaqstan chempıonatynyń 15-týry aıasynda jeti kezdesý ótip, sonyń úsheýinde qonaqtar jeńiske jetse, úsheýi teń aıaqtaldy. Taǵy bir básekede alań ıeleriniń mereıi ústem boldy.
Senbide eki oıyndy tamashaladyq. «Aqjaıyq» Oralda Shymkenttiń «Ordabasy» klýbyna ese jiberdi – 0:1. Bul matchtaǵy jalǵyz goldy 77-mınýtta Odılbek Ábdýmájıtov soqty. Pavlodarda «Aqsý» men Qaraǵandynyń «Shahtery» teń tarasty – 1:1. Jeksenbide taǵy bes básekeniń kýási boldyq. «Aqtóbe» «Astanany» 4:1 esebimen oısyrata utty. «Tobyl» Petropavlovskide jergilikti «Qyzyljardy» 3:1 esebimen eńserdi. Osy jeńisiniń arqasynda qostanaılyqtar kósh basyndaǵy «Astanany» qýyp jetti. «Kaspıı» Aqtaýda Túrkistannyń «Turanyna» jol berdi – 0:2. «Taraz» ben «Qaırat» jáne «Maqtaaral» men «Atyraý» arasyndaǵy kezdesýlerde 1:1 esebi tirkeldi.
15-týrdan keıin «Astana» men «Tobyl» kósh basynda úzeńgi qaǵystyryp keledi. Ekeýinde de 24 upaıdan bar. Olardan bir upaı kem jıǵan «Aqtóbe» úzdik úshtikti túıindeýde. Al kósh sońyndaǵy «Maqtaaral» nebári
10 upaıdy qanaǵat tutýda.