Dúnıejúzilik densaýlyq saqtaý uıymy 2022 jyldyń basynan beri 50 elde 3413 adamnyń maımyl sheshegi ınfeksııasyn juqtyrǵanyn jáne bir adamnyń qaıtys bolǵany jóninde málimdedi, dep habarlaıdy Egemen.kz TASS agenttigine silteme jasap.
«2022 jyldyń 1 qańtary men 22 maýsymy aralyǵynda álemniń 50 elinde maımyl sheshegin juqtyrýdyń 3 413 jaǵdaıy jáne osy dertten bir adamnyń qaıtys bolǵany habarlandy», dep atap ótti uıymnan.
Aldyńǵy aqparattyq bıýlleten 17 maýsymda jarııalanǵannan beri 8 elde ınfeksııaǵa shaldyǵýdyń 1310 jańa jaǵdaıy anyqtalǵan. Maımyl sheshegimen aýyratyndardyń kópshiligi, dálirek aıtqanda 86%-y Eýropalyq aımaqta tirkeldi. Odan keıin tizimde Amerıka (11%), Afrıka (2%), Shyǵys Jerorta teńizi (1%-dan az) jáne Azııa-Tynyq muhıty (1%-dan az) tur.
Elderdiń ishinde aýrýǵa shaldyǵýdyń eń kóp jaǵdaıy Ulybrıtanııada tirkeldi, onda 793 adam maımyl sheshegine shaldyqqan. Sonymen qatar eń kóp naýqastar sany jaǵynan Germanııa (521), Ispanııa (520), Portýgalııa (317), Fransııa (277), Nıderlandy (167) jáne AQSh (142) tirkeldi. Qalǵan 43 memleket pen aýmaqta aýrýǵa shaldyǵý jaǵdaılarynyń sany 100-den aspaıdy. Ázirge vırýstan qaıtys bolý jaǵdaıy Nıgerııada ǵana tirkeldi.