Aqparat jáne qoǵamdyq damý mınıstri Asqar Omarov Úkimet otyrysynda memlekettik organdardyń jumysyn BAQ-ta keńinen túsindirýge arnalǵan taqyryptar boıynsha aqparattar az beriletinin aıtty, dep habarlaıdy Egemen.kz.
«Qazirgi ýaqytta Memleket basshysynyń tapsyrmalaryn oryndaý boıynsha QR Úkimetiniń qyzmetine jurtshylyqtyń joǵary qyzyǵýshylyǵy baıqalady. Alaıda jekelegen ózekti taqyryptar boıynsha tirkeletin azamattardyń keri baılanysy kóbinese teris sıpatqa ıe bolady», dedi mınıstr.
Osy rette Asqar Omarov jurtshylyq pen BAQ ókilderi tarapynan synnyń paıda bolý sebepterin atady.
«Birinshiden, memlekettik organdardyń jumysyn BAQ-ta keńinen túsindirýge arnalǵan taqyryptar boıynsha aqparattyń az berilýi. Ekinshi, jeke jáne zańdy tulǵalardyń, sondaı-aq BAQ-tyń resmı saýaldary men suranystaryna beriletin jaýaptarda tolyq aqparattyń bolmaýy. Úshinshiden, BAQ-ta týyndaǵan máselelerdi túsindirý boıynsha biliktiligi tómen spıkerlerdi usyný. Aqparattyq-túsindirý jumysynyń mańyzdylyǵyn eskere otyryp, atalǵan faktorlardy memlekettik organdardyń jumysynda eskerý qajet», dedi Asqar Omarov.