UFC faıteri qazaqstandyq Shavkat Rahmonov Nıl Megnıdi merziminen buryn jeńgennen keıin jartylaı orta dıvızıon reıtınginiń alǵashqy ondyǵyna kirdi, dep habarlaıdy Egemen.kz.
Rahmonov ótken demalysta Las-Vegastaǵy UFC týrnırinde amerıkalyq qarsylasyn ekinshi raýndtyń sońynda qylǵyndyrý ádisimen jeńdi. Bul onyń UFC lıgasyndaǵy qatarynan tórtinshi jeńisi.
Qazaqstandyq sportshy UFC jartylaı orta dıvızıonynyń úzdik jaýyngerleriniń reıtınginde óz pozısııasyn aıtarlyqtaı jaqsartty. Ol birden 5 pozısııaǵa kóterilip, 10-orynǵa turaqtady. Rahmonovtan jeńilgen Megnı eki satyǵa tómendep, 12-orynǵa tústi.