Qazaqstanda turmystyq tehnıka 18 paıyzǵa qymbattady, dep habarlaıdy Egemen.kz Energyprom.kz saıtyna silteme jasap.
Qazaqstandyqtardyń úı sharýashylyǵy 100 paıyz as úı plıtasy, 99,7 paıyz tońazytqysh, 96,1 paıyz kir jýǵysh mashınasy, 94,1 paıyz shańsorǵysh, 79,1 paıyz qysqa tolqyndy peshpen qamtylǵan.
Osy jyldyń sáýir aıynyń qorytyndysy boıynsha elimizde turmystyq tehnıka baǵasy bir jylda 18,1%-ǵa ósken. Baǵanyń kóterilýi Almaty oblysynan baıqalady. Jambyl jáne Soltústik Qazaqstan oblystarynda da 20 paıyzǵa deıin kótirilgen. Onyń ishinde tońazytqysh pen muzdatqysh jylyna 15,8%- ǵa, as úı plıtalary 17,2%- ǵa, kir jýǵysh jáne ydys jýatyn mashınalar 22% -ǵa, shańsorǵysh 25,1%-ǵa qymbattaǵan.
Aıta keteıik, elimizdegi turmystyq quraldardyń basym kópshiligi ımporttyq. Osy jyldyń birinshi toqsanynyń qorytyndysy boıynsha elimizde barlyǵy 322 turmystyq tońazytqysh pen muzdatqysh óndirildi. Sonymen qatar sektordaǵy ımport 144,9 myń buıymdy qurady. Sonymen qatar birinshi toqsanda Qazaqstanda múldem óndirilmeıtin 150,8 myń kir jýatyn mashına men kir keptiretin mashına, 89,1 myń turmystyq shańsorǵysh, 181,9 myń mıkser, usaqtaǵysh pen shyryn syqqysh jáne t.b. ákelindi.