Altynshy Kaspıı sammıti qarsańynda Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Kaspıı mańy memleketteriniń Syrtqy ister mınıstrleriniń keńesine qatysty, dep habarlaıdy Egemen.kz.
Is-sharaǵa sondaı-aq syrtqy saıası vedomstvo basshylary – Irannan Hoseın Amır Abdollahııan, Reseıden – Sergeı Lavrov, Túrikmenstannan – Rashıd Meredov jáne Ázerbaıjan SIM basshysynyń orynbasary Halaf Halafov qatysty.
Kaspıı bestiginiń mınıstrleri Kaspıı teńizindegi jaǵalaýdaǵy memleketter yntymaqtastyǵynyń birqatar ózekti máselesin talqylady. Sondaı-aq bıylǵy 29 maýsymda Ashhabad qalasynda Qazaqstan, Ázerbaıjan, Iran, Reseı jáne Túrikmenstan prezıdentteriniń qatysýymen ótetin VI Kaspıı sammıtiniń kommıýnıkesiniń jobasyn kelisti.
Aldyńǵy VI Kaspıı sammıti 2018 jyly Aqtaý qalasynda ótti. Onyń qorytyndysy boıynsha Kaspıı teńiziniń quqyqtyq mártebesi týraly Konvensııaǵa qol qoıyldy.