Taldyqorǵannyń О́tenaı aýyldyq okrýginen 12-13 shaqyrym qashyqtyqta Qaratal ózeniniń jaǵasynda belgisiz zat tabyldy. Bul týraly Almaty oblysy boıynsha ekologııa departamenti habarlady, dep jazady Egemen.kz.
A.Lýchkın esimdi azamat Almaty oblysyna kelip, vıdeo túsirgennen keıin Qaratal ózeniniń jaǵasynda tekserý jumystary bastaldy. Osy jyldyń 27 maýsymynda ol oblystyq ekologııa departamentine beınejazba usyndy.
Zerthanalyq-taldaý monıtorıngi bóliminiń mamandary Qaratal ózeniniń jaǵasynan sý synamasyn aldy. Suıyqtyq munaı tárizdi zatqa uqsady.
Polısııa qyzmetkerlerimen birlesip kinálini anyqtaý boıynsha jedel-izdestirý is-sharalary júrgizilýde.