Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń kezekti otyrysynda Ulttyq komıssııa múshesi, «Talbesik» kópbalaly analar odaǵy» qoǵamdyq birlestiginiń jetekshisi Lázzat Qojahmetova qoǵamda ákelerdiń rólin kóterý úshin ár synyp janynan ákeler keńesin ashýdy usyndy, dep habarlaıdy Egemen.kz.
«Balalarǵa rýhanı-adamgershilik tárbıe berý – áke men ananyń jaýapkershiligi birdeı bolǵanda ǵana tolyqqandy júzege asady. Qazaqstanda turmysy tómen otbasylardyń basym bóligin alıment almaıtyn otbasylar qurap otyr. Osyǵan oraı, alıment tóleýden jaltarǵan azamattarǵa HQKO-da anyqtamalar berý, kredıt resimdeý, banktik shottarǵa tyıym salý, esepten shyǵarý/esepke qoıý, kólik júrgizýshi kýáligin alý qyzmetine tyıym salýdy usynamyz. Balalar ata-ananyń rýhanı-materıaldyq qoldaýyn tolyqqandy sezinýi úshin alımentten jaltarǵan ákelerdi ákimshilik-qylmystyq jaýapkershilikke tartýdy kúsheıtý kerek», dep sanaıdy ol.