Sot sheshimi boıynsha Shuǵyla shaǵynaýdanyndaǵy zańsyz salynyp jatqan turǵyn úı keshenin súrý bastaldy, dep habarlaıdy Egemen.kz.
Almaty ákimi Erbolat Dosaevtyń tapsyrmasy boıynsha turǵyndardyń kóptegen ótinishterine baılanysty ǵımaratty buzý týraly másele kóterildi.
«Qala turǵyndarynyń shaǵymy negizinde qala qurylysyn baqylaý basqarmasy nysanǵa tekserý júrgizdi. Sáýlet, qala qurylysy jáne qurylys qyzmeti salasynda buzýshylyqtar anyqtaldy, hattamalar toltyryldy», delingen Almaty ákimdiginiń habarlamasynda.
Nátıjesinde sot qaýlysymen qalanyń qala qurylysyn baqylaý basqarmasynyń talap-aryzy qanaǵattandyryldy. Almaty qalalyq soty qurylysty buzý týraly sheshim qabyldady.
Ǵımaratty buzý 1 shildede sot oryndaýshylarynyń qatysýymen bastaldy.
Aıana Toǵanbek