15 shildeden bastap Reseı qurlyqtaǵy shekarada 2020 jyly koronavırýs ınfeksııasyna baılanysty engizgen shekteýlerin alyp tastaıdy. Bul týraly dúısenbi kúni kovıdke qarsy kúres jedel shtaby habarlady, dep jazady Egemen.kz.
Jedel shtabtyń talqylaý qorytyndysy boıynsha 15 shildeden bastap Reseıdiń memlekettik shekarasyn kesip ótýge salynǵan ýaqytsha tyıymdy alyp tastaý jóninde sheshim qabyldandy.
Buǵan deıin 14 maýsymnan bastap epıdemııalyq jaǵdaıdyń jaqsarýyna baılanysty shetel azamattarynyń Reseıge teńiz jáne áýe beketteri arqyly kirýine ruqsat berilgen edi. Biraq kólikterdiń kirýine shekteý alynbaǵan bolatyn.
Eske salaıyq, Reseı koronavırýstyń taralý qaýpine baılanysty 2020 jyldyń naýryz aıynda shekaradan ótýge shekteý qoıǵan edi.