QR Premer-Mınıstriniń birinshi orynbasary Roman Sklıar Májilis depýtattary joldaǵan saýalǵa bergen jaýabynda eldegi sırek kezdesetin jáne joıylyp bara jatqan janýarlardy saqtaý jónindegi Úkimet josparymen bólisti, dep habarlaıdy Egemen.kz.
«Sırek kezdesetin jáne quryp bara jatqan janýarlar tiziminiń memlekettik ǵylymı-tehnıkalyq negizdemesi Qazaqstandaǵy bıologııalyq resrýrstardy tıimdi basqarýǵa jaǵdaı týǵyzady», dep jazady Roman Sklıar óziniń jaýabynda.
Onyń aıtýynsha, omyrtqaly jáne omyrtqasyz janýarlardyń sırek kezdesetin túrleriniń jaǵdaıyna baǵa berý úshin ǵylymı-tehnıkalyq baǵdarlama ázirlendi. Ony Ǵylym jáne joǵary bilim mınıstrligi qarjylandyrady dep josparlanyp otyr.
«Joǵary ǵylymı-tehnıkalyq keńes maquldaǵan jaǵdaıda bul baǵdarlama aıasynda Qazaqstannyń Qyzyl kitabyna revızııa jasalady. Sonyń negizinde mazmuny jańartylyp, Qyzyl kitapqa arnalǵan ýeb-portal qurylady. Ol portalda sırek kezdesetin jáne quryp bara jatqan janýarlar týraly málimet tolyqqandy beriledi. Atalǵan sharalardyń bárin iske asyrý úshin qoldanystaǵy zańnamaǵa ańshylyq jáne janýarlardy saqtaý jóninde tıisti ózgerister engiziledi», dep jazylǵan jaýapta.