Qazaqstan Respýblıkasy Prezıdenti Is Basqarýshysy Aıbek Dadebaev Medısınalyq ortalyqtyń vedomstvolyq qarasty «Oq-Jetpes Býrabaı» emdeý-saýyqtyrý kesheniniń qyzmetkerleriniń jumysymen jáne eńbek jaǵdaıymen tanysty, dep habarlaıdy Egemen.kz.
Búginde emdeý-saýyqtyrý kesheninde 264 adam qyzmet etýde. Kezdesýde keshen qyzmetkerleri Basqarýshyǵa suraqtaryn qoıyp, ózderiniń oı-pikirlerimen bólisip, jaýap aldy.
Bıylǵy jyldyń qańtar aıynan bastap dárigeler jalaqysy 60%-ǵa, medbıkeler 40%-ǵa, basqa qyzmetkerler aılyǵy 20%-ǵa ósti. 2022 jylǵy birinshi toqsanda ortasha jalaqy 288 myń teńgeni qurady.
Emdeý-saýyqtyrý kesheni 1964 jyly úsh qabatty bir ǵana ǵımarattan bastalyp, búginde úzdik shıpajaılar tiziminde kósh bastap keledi. Qazirgi ýaqytta «Oqjetpes» emdeý-saýyqtyrý kesheni jyl boıy qyzmet kórsetedi jáne demalýshylarǵa arnalǵan 173 nómirlik qory bar, jyl boıyna qyzmet kórsetetin emdeý orny bolyp tabylady. Biriktirilgen jeliniń ártúrli sanattaǵy 367 bólmesi bar. Medısınalyq ǵımarattar bilikti kadrlarmen jáne jańa medısına jabdyqtarymen jabdyqtalǵan. Jylyna 10 myńǵa jýyq adam kelip em qabyldaýda.
Aıana Toǵanbek