AQTAÝ. 28 sáýir. Jańaózen qalasynyń bes aılyq turǵyny, bir áýlettiń tula boıy tuńǵyshy Málıka Farhatovaǵa Mańǵystaý oblystyq aýrýhanasynyń kardıohırýrgııa bóliminde ota jasaldy. Bul týraly egemen.kz tilshisi habarlady.
Júreginde týa bitti aqaýy, júrek qarynshasynyń tesigi bar degen dıagnoz qoıylǵan Málıkaǵa ýaqyt ótkizbeı ota jasaý qajettigi týǵan. Jergilikti hırýrg-dárigerler men Astana, Máskeý qalalarynan kelgen bilikti mamandar júrgizgen ota sátti ótti.
Júrekti ýaqytsha toqtatyp, jasandy qan aınalymdy iske qosatyn, sol arqyly ókpe men júrektiń qyzmetin úılestirip turatyn arnaıy apparat arqyly jasalǵan ota kúrdeli ótkenmen, nátıjesi jaqsy.
Dárigerlerdiń aıtýynsha, qazir sábıdiń jaǵdaıy jaqsy kórinedi. Al 2013 jyly oblysta júreginde aqaýy bar dep tanylǵan 50-ge tarta búldirshinge kúrdeli ota jasalypty. Olardyń barlyǵy da bir jasqa tolmaǵan sábıler eken.
Gúlaıym Shyntemirqyzy.
Derekkóz: egemen.kz.
Foto: fotofond.org.