Batys Qazaqstan oblysynda Elorda kúnine oraı túrli formattaǵy is-sharalar ótkizý josparlanǵan. Bul jóninde oblystyq mádenıet basqarmasynyń bólim basshysy Gúlmıra Qaýlanova aıtty, dep habarlaıdy Egemen.kz.
Batys Qazaqstan oblysynyń barlyq aýdany men qala ortalyǵynda mádenı-kópshilik sharalar, konserttik baǵdarlamalar, kórmeler, sporttyq sharalar uıymdastyrylmaq.
Atap aıtqanda Terekti aýdanynda «Týǵan kúnińmen, Elorda!», Syrym aýdanynda «Eńsesi bıik Elorda – tatýlyq besigi» atty konsertter, «Jaına, jasa Elordam» atty jastarǵa arnalǵan shoý-baǵdarlama, Qaztalov aýdany ortalyǵyndaǵy «Dostyq» saıabaǵynda «Jasaı ber, jaına, Astana» merekelik konserti, Jańaqala aýdanynda «Eńsesi bıik Elorda», Tasqala aýdanynda «Baǵanaly Orda – basty Orda», Shyńǵyrlaý aýdanynda «Sálem, Elorda», Bókeı ordasynda «Nur-Sultan – ultymyzdyń rýhanı ordasy», Bórli aýdanynda «Eńsesi bıik Elorda», Qaratóbe aýdanynda «El júregi – Nur-Sultan» atty merekelik konsertter ótedi. Bórli aýdanynyń qarttar úıinde «Meıirim sáýlesi» atty merekelik konsert ótip, oblys kitaphanalary men mýzeılerinde taqyryptyq kórmeler, balalarǵa arnalǵan erteńgilikter, ádebı-tanymdyq saǵattar, vıktorınalyq oıyndar uıymdastyrylmaq. Oral qalasynyń yqsham aýdandarynda, mádenı-aǵartý birlestiginiń aýla klýbtarynda «Elordam – arý qalam asqaqtaǵan», «Asqaqta aıbyndy eldiń Elordasy» atty konserttik baǵdarlama, sporttyq sharalar kórermenin kútýde.
Astana kúnine oraı eń basty is-shara 6 shilde kúni keshte «El júregi – Elorda» ataýymen Tuńǵysh Prezıdenti alańynda ótedi. Alańda qolóner sheberleriniń kórmesi bolady. Al konserttik baǵdarlamada Qarlyǵash Qadyrbekova bı stýdııasy, «Nazerke» halyq bı ansambli, «Seriler» kvarteti, ónerpaz balalardyń «Áýen» toby, «Qaraqat», «Aınalaıyn» mektep-stýdııalary, «DD rekords» ortalyǵynyń ánshileri óner kórsetpek.