Maýsym aıynyń ortasynan bastap COVID-19 aýrýshańdyǵy salystyrmaly túrde 2,9 ese ósti, dep habarlaıdy Egemen.kz.
«Aýrýshańdyq kórsetkishiniń joǵarylaý tendensııasy revaksınasııa qarqynynyń tómendeýimen baılanysty. Koronavırýsqa qarsy múlde ekpe almaǵan turǵyndar qatary da az emes. Indetke shaldyǵý jaǵdaılarynyń 80%-ǵa jýyǵy vaksınasııalanbaǵan nemese sońǵy ımmýnızasııadan keıin 6 aıdan astam ýaqyt ótken adamdar úlesinde. Sanıtarlyq-epıdemıologııalyq baqylaý komıteti buǵan deıin azamattardyń revaksınasııadan ótýden bas tartýyna baılanysty syrqattanýshylyqtyń ósý qaýpi týraly eskertken bolatyn», dep jazdy komıssııa.
Aıta keteıik, el boıynsha barlyǵy 10,4 mln astam adam COVID-19 vırýsyna qarsy egildi. 4,8 mln adam qaıta vaksınasııalandy. Statıstıka kórsetip oytrǵandaı, revaksınasııa qarqyny 2 ese tómendegen.
Búgingi tańda elimizde vaksınalardyń jetkilikti qory bar. Halyqty ımmýndaý otandyq QazVac, qytaılyq Vero Cell jáne amerıkandyq Pfizer preparattarymen júrgiziledi.
Epıdemıologııalyq ahýaldy baǵalaý matrısasyna sáıkes Almaty qalasy «sary» aımaqta. Qazir Ońtústik megapolıste syrqattanýshylyqtyń táýliktik ósimi 112 jaǵdaıdy quraıdy.
Aıana Toǵanbek