Elimizde shildeniń birinshi jeksenbisi kóne mýzykalyq aspap – dombyra merekesin atap ótedi. Bul kún qazaqstandyq qoǵamdy mádenı muranyń qundylyqtary men jasampaz ıdeıalarynyń aınalasyna toptastyrý maqsatynda belgilengen bolatyn.
Aqtaýda Ulttyq dombyra kúnine oraı Mańǵystaý oblystyq Qazaqstan halqy Assambleıasy «Dombyra – dastan» aksııasyn ótkizdi. Shara aıasynda perınataldyq ortalyqta jatqan analar men olardyń nárestelerine qazaqtyń qara dombyrasy syıǵa berildi.
Aksııa Aqtaý qalalyq perınataldyq ortalyǵynda ótti. Is-sharaǵa oblystyq Assambleıanyń qoǵamdyq orynbasary, ázerbaıjan EMB tóraǵasy Shamsadın Gýseınov, MO QHA kásipkerler qaýymdastyǵynyń tóraǵasy Djambýlat Tangıev, Analar keńesiniń tóraǵasy Amankúl Jaıylhanova, MO QHA kásipkerler qaýymdastyǵy tóraǵasynyń orynbasary, Analar keńesiniń múshesi Zareta Fatalıeva, QHA ardagerler keńesiniń múshesi Raısa Madenova, sondaı-aq birqatar jeke kásipker qatysty.
Shara uıymdastyrýshylary analar men olardyń nárestelerine dombyra, balalarǵa arnalǵan kıim, kondıterlik jáe sút ónimderin tabys etti. Sondaı-aq Aqtaý qalalyq perınataldyq ortalyǵynyń qyzmetkerlerine Qazaqstan halqy Assambleıasy atynan estelik syılyqtar berildi.
Mańǵystaý oblysy