Ál-Farabı atyndaǵy QazUÝ janyndaǵy «Qazaq ýnıversıteti» baspa úıiniń bas redaktory, belgili aqyn, jýrnalıst, Qazaqstan Jazýshylar odaǵynyń múshesi, «Qurmet» ordeniniń ıegeri Kádirbek Qunypııaulynyń 60 jasqa tolýyna oraı, týǵan jeri Kegen aýdanynda shyǵarmashylyq kesh uıymdastyryldy. Is-sharaǵa Prezıdenttiń keńesshisi Málik Otarbaev, Kegen aýdanynyń ákimi Talǵat Baıedilov, «Rýhanı jańǵyrý» ortalyǵynyń dırektory, jazýshy Nurǵalı Oraz jáne qalamgerler men óner qaıratkerleri qatysty.
Shyǵarmashylyq keshte sóz alǵan M.Otarbaev aqyn Kádirbek Qunypııaulyn asqaraly 60 jasymen quttyqtap, Prezıdent Qasym-Jomart Toqaevtyń Alǵyshatyn jáne Memlekettik keńesshi Erlan Qarınniń quttyqtaýhatyn tapsyrdy. «Kádirbek Qunypııauly – Qazaqstannyń mádenıeti men rýhanııatyn damytýǵa súbeli úles qosyp kele jatqan qaıratker aqyn. Búginde baspa salasynda ǵalymdardyń, aqyn-jazýshylardyń qundy týyndylaryn óz oqyrmandaryna jetkizýde aıanbaı eńbek etip keledi», dedi Málik Nurjanuly.
T.Baıedilov aqyndy Almaty oblysynyń ákimi Marat Sultanǵazıevtiń atynan Qurmet gramotasymen marapattady. Sondaı-aq aýdandyq máslıhat sheshimimen Kádirbek Qunypııaulyna «Kegen aýdanynyń qurmetti azamaty» ataǵy berildi.
Ál-Farabı atyndaǵy Qazaq ulttyq ýnıversıteti atynan N.Oraz sóz sóılep, QazUÝ-dyń Basqarma tóraǵasy – rektory Janseıit Túımebaevtyń quttyqtaý hatyn oqyp berdi.
Sonymen qatar merekelik keshte Kádirbek Qunypııaulynyń «Naızaqara» atty kitabynyń tusaýkeser rásimi ótti.
Is-shara barysynda aqyn qalamynan týǵan «Qarqara, qaıda barasyń?» poemasy men óleńderi oqylyp, kesh sońy konserttik baǵdarlamamen jalǵasty.
Sharafaddın ÁMIROV,
jýrnalıst
Almaty oblysy,
Kegen aýdany