Jyl basynan beri memlekettik eńbek ınspektorlary 10 myńǵa jýyq jumyskerdiń quqyǵyn qorǵady, dep habarlaıdy Egemen.kz.
1 shildege deıin memlekettik eńbek ınspektorlary respýblıkanyń 499 kásipornynda 12,6 myń jumyskerdiń aldynda 2 mlrd 845 mln teńgeden astam jalaqy qaryzy baryn anyqtady.
Osy kásiporyn basshylaryna oryndalýy mindetti 414 nusqama berilip, 67,9 mln teńgeden astam somaǵa aıyppul salyndy. Qabyldanǵan sharalar, sonyń ishinde jalaqy boıynsha bereshekti óteýdiń qatań saqtalýy tıis kestesi men merzimin belgileý nátıjesinde 9,9 myńnan astam jumyskerdiń quqyǵy qorǵaldy.
Eńbek jáne halyqty áleýmettik qorǵaý mınıstrliginiń málimetine sensek, olarǵa 2 mlrd 319,7 mln teńge tólendi.