Álemdik jarysta rekord ornatty

Oqý-aǵartý mınıstrligi taratqan aq­paratqa súıensek, ulttyq qurama sa­pyn­da 15-17 jas aralyǵyndaǵy 12 oqý­shy óner kórsetti. Olardyń barlyǵy – robot­tehnıka boıynsha qazaqstan­dyq jáne ha­lyqaralyq jarystardyń jeńim­­paz­dary men júldegerleri.

Birinshi FIRST Tech Challenge – West Midlands jarysy 28 maýsymda Výl­veremptonda, Ýest-Mıdlends graf­­tyǵynda ótti. Onda qazaqstan­dyq oqý­­shylar 10 oıynnyń 10-ynda jeńis­ke je­tip, úzdik óner kórsetken komanda­ǵa be­riletin bas tóreshi atalymynyń Judges Award júldesin jeńip aldy.

1 shildede Londonda FIRST Tech Challenge – South East ekinshi jarysy ótti. Oıyndarǵa brıtandyq myqty komandalardan bólek, basqa elderden de kelgen jasóspirimder qatysty. Onda oqý­shylarymyz 10 oıynnyń 9-yn­da jeńiske jetip, I oryndy jeńip aldy. Sondaı-aq oqýshylar qazylar alqa­sy­nyń eki marapaty – Judges Award jáne Control Award syılyǵyna ıe boldy.

USTEM Robotics-tiń Qazaqstanda­ǵy jáne Ortalyq Azııadaǵy robotteh­nıka damytý qorynyń negizin qalaý­shy Nurdáýlet Dosmaǵambet: «Bizdiń Uly­brıtanııaǵa saparymyz shyny­men de tarıhı sátke toly boldy. Oqýshy­larymyzdyń tájirıbesi básekeles­teri­nen birneshe ese az bolsa da, olar ózderin jaqsy jaǵynan kórsete bildi jáne úzdik nátıje kórsetti. Sonymen qatar FIRST baǵdarlamasynyń jeke qorynda 80 mln dollar stıpen­dııasy bar jáne robottehnıka chempıonatynyń jeńimpazdary álemniń jetekshi ýnıversıtetterine, sonyń ishinde MIT, Yale jáne basqa da úzdik ýnıversıtetterge tegin oqýǵa ótinish bere alady», dedi.

Qazaqstandyq oqýshylar bir aıǵa jýyq ýaqytyn óz mektepteriniń zertha­nalarynda ótkizip, robottaryn quras­tyrýǵa arnady. Jas ónertapqyshtar robot bólshekterin ózderi modeldedi, sodan keıin mektep sheberhanalaryndaǵy 3D prınter men lazerlik mashınalarda jobalaryn júzege asyrdy.

Bilim báıgesine qatysqan oqýshy Nurasyl Beısenbaı eń myqty sheteldik komandalarmen jarysqanyn aıtady.

«Robottehnıka arqyly álemdi tanýǵa, saıahattaýǵa jáne basqa el­derdiń úzdik oqýshylarymen kezdesýge múmkindik aldyq. Ulybrıtanııaǵa ja­saǵan bul saparymyz óz qabiletimiz­ge senimdilik berdi. Biz Anglııa men Soltústik Kıprdiń eń myqty komandalarymen eldiń namysyn qorǵaý úshin jarystyq, al oıyndar arasynda qarsylastarymyzǵa kómektesip te turdyq. Bul bizge qyzyqty boldy, óıtkeni bul jarysqa ekinshi jyl ǵana qatysyp jatyrmyz. Biraq ondaǵan jyl boıy daıyndyq júrgizgen koman­da­lardan jaqsyraq óner kórset­tik. Uıymdastyrýshylar men basqa koman­da­lardyń jattyqtyrýshylarynan alǵys estigenimizge qýandyq», deıdi N.Beısenbaı.

FIRST saıysy Oqý-aǵartý mınıstr­liginiń oqýshylar men muǵalimderdiń qatysýy úshin usynǵan olımpıadalar tizimine engizilgen. Jyl saıyn FIRST demeýshiligimen 6 men 18 jas araly­ǵyn­daǵy balalar arasynda túrli ja­rys­ ótkiziledi. Ár saıystyń ta­qyry­by men tapsyrmalarynyń kúr­deliligi ár­túrli. Tapsyrmalar naqty álemdik máse­­lelermen baılanysty, my­saly, óner­­kásiptik avtomattandy­rý, taý-ken ón­dirý, qaldyqtardy óń­deý, ǵaryshty zert­­teý, bıomedısına jáne basqa da ma­ńyzdy taqyryptar qamtylǵan.