«Spassk-2022» semınary ótti

Dalalyq jaǵdaıda ótken trenıngter jýrnalısterdi tó­tenshe jaǵdaıda jáne qarýly qaq­tyǵystar aımaǵynda jumys isteýge daıyn bolýǵa úıretti. Oqytý barysynda tájirıbeli áskerı mamandar buqaralyq aqparat quraldarynyń ókil­derimen bilimderi jáne prak­tıkalyq daǵdylarymen bólisti.

Semınarǵa qatysýshylar ás­kerı qaqtyǵys aımaǵyndaǵy ju­mystyń erekshelikterimen, al­ǵashqy medısınalyq kómek kór­setý tásilderimen, jappaı tár­tip­sizdik kezindegi minez-qu­lyq erejelerimen, tótenshe jaǵ­daılarda jekeleı ómir súrý ne­giz­­derimen, jýrnalıstiń qolǵa tú­sirý jáne tutqyndaý kezindegi áre­ketterimen tanysty.

Sabaqtar kezinde dabyl bo­ıynsha is-qımylǵa kirisý, marsh jasaý, mınalanǵan alańnan ótý, jaýyngerlik tehnıkamen júrý erejeleri, qaýipti aımaqtan áskerı avıasııa tikushaqtarymen evakýasııalaý, qaladaǵy urys qımyldary jaǵdaıynda jýr­nalıstiń ózin basqarýy sııaqty oqý máseleleri zerdelendi. Se­mınarǵa qatysý­shy­lar teorııa­da bilgenderin oqý-jattyǵý orta­ly­ǵynyń bazasynda, dalalyq alańda bekitti.

– Men jýrnalısterge arnalǵan áskerı dıskýrsqa alǵash ret qaty­syp otyrmyn. Men úshin asa qajetti tájirıbe, – dedi óz sózinde «Kazahstanskaıa pravda» gazetiniń aǵa tilshisi Ásel Muqanova. – Bi­rinshi kúni tótenshe jaǵdaıda ózimdi qalaı ustaý kerektigin bil­meıtinimdi túsindim. Bizge «terrorıster shabýyl jasaǵan kezde» men birden qashýǵa tyrys­tym. Alaıda olar meni jyldam ustap aldy. Shynymdy aıtsam, alǵashqy sátter óte qorqynyshty boldy. Áskerı qyzmetshiler «sodyrlar» rólin jaqsy oınady. Suraqtaryna jaýap bereıin be, álde únsiz qalǵan durys pa? Ne isteý kerek? Mundaı dıskýrsty ár jýrnalıspen ótkizgen jón. Bul qajetti tájirıbe ǵana emes, sondaı-aq óte qyzyqty semınar. Qorǵanys mınıstrligi osyndaı is-sharalardy 2015 jyldan beri ótkizip keledi. Qaýipti núktelerde jýrnalısterdi tájirıbe jınaý­ǵa úıretý ózekti. Alǵan áserleri jaıly olar resmı BAQ-tyń aqparattyq resýrstarynda, sondaı-aq áleýmettik jelilerde jazdy.