Mańyzdy merek

Keshe Ortalyq kommýnıkasııalar qyzmetinde 1 mamyr – Qazaqstan halqynyń birligi kúniniń Astana qalasynda qalaı merekelenetini týraly shahardyń ishki saıasat basqarmasynyń bastyǵy Bolat Tilepov, mádenıet basqarmasynyń bastyǵy Bolat Mojaǵulov aıtyp berdi. Kezdesýge, sondaı-aq ýkraın etnomádenı birlestiginiń tóraıymy Tamara Shermet, koreılerdiń etnomádenı birles­tigi tóraǵasynyń orynbasary Roza Pak jáne ózbek etnomádenı ortalyǵynyń tóraǵasy Sherzot Pýlatov qatysty. Aldymen sóz alǵan Bolat Tile­pov barlyq merekelik is-sharalar óte joǵary deń­geıde ótetin bolady, dep bas­tady óziniń sózin. Elba­synyń Qazaqstan halqy Assam­bleıa­synyń kezekti sessııasynda kótergen bastamalarynyń aıasynda negizgi is-sharalar bir josparǵa biriktirildi. Onda belgilengen sharalardyń birazy qalada 14 sáýirden bastalyp ta ketti. Jalpy, 2 mamyrǵa deıin úlkendi-kishili 40 is-shara josparlanǵan. Sonyń ishinde rýhanı-ıdeologııalyq sharalar jumystar legi aldyńǵy orynda tur. Osy baǵytta barlyq oqý oryndarynda birlik pen yntymaqty nasıhattaıtyn sharalar ótip jatyr. Ekinshi orynda áleýmettik mańyzy bar máseleler qarastyrylǵan. Munyń maqsaty – memlekettiń kómegine muqtaj jandarǵa járdem kórsetý. Qazaqstan hal­qy­nyń birligi negizinen saıası-ıdeologııalyq pishimde ótetin mereke bol­ǵandyqtan, memleket tarapynan materıaldyq kómek kór­setýge arnaıy sheshim bol­ma­ǵan, biraq soǵan qaramaı árbir óńir jergilikti bıýdjettiń múm­kin­shilikterine qaraı túrli qoldaýlar kórsetetin bolady. Sonyń ishinde jalǵyzbasty 615 zeınetkerge bir rettik jár­­dem kórsetiledi. Qalalyq kásip­kerler palatasy jaǵdaıy tómen otbasylarǵa arnaıy das­tarqan jaıyp, óz attarynan azyq-túlik paketin taratady. Sonymen birge, saýda-sattyq oryndarynyń osy kúni bi­rinshi kezektegi qajetti tamaq ónimderine jeńildik qa­rastyrý uıymdastyrylady, deı ke­lip Bolat Tilepov mádenı-shy­ǵarmashylyq sharalarǵa toqtaldy. Merekeniń eń bas­ty mádenı sharasy – «Qazaq eli» monýmenti aldyndaǵy aýqymdy, teatrlandyrylǵan qoıylym. Osyn­daı merekelik shara 2 mamyr kúni qalalyq alańda da ótedi. Mádenı sharalardyń aýqy­­my jóninde aıtý úshin sóz kezegin áriptesi, qalalyq máde­nıet basqarmasynyń bas­tyǵy Bolat Mojaǵulovqa berdi. Ol eń basty sahna – «Qazaq eli» monýmentiniń qasynda úsh jerge konserttik baǵdarlama qoıylatynyn jetkizdi. Eń negizgi sahnada saǵat 11.00-den 14.00-ge deıin 700-den astam ártister men ánshiler óz ónerlerin kórsetedi. Al kishileý eki sahnada etnomádenı ortalyqtar ókilderi  ónerlerin usynatyn bolady. Ondaǵy ónerpazdar sany 400-den kem bolmaıdy. Qazaqstannyń  jáne TMD elderinen keletin bı ansamblderi de óz ónerlerin ortaǵa salady, deı kelip bas­­­qarma bastyǵy olardyń bir­qa­taryn atap ótti. Sonyń ishin­de Grýzııadan, Túrkııadan, Reseıden, О́zbekstannan óner ujym­dary bolatynyn jetkizdi. B.Mojaǵulov odan ári sport­tyq jarystar úshin de podıýmdar uıymdastyrylatynyn aıtty. 15 saýda núktesi azyq-túlik satyp, merekelik alańnyń árin asha túsetin bolady. Sondaı-aq, ártúrli etnostardyń as máziriniń kórmesi de bolad­­­­y, dedi ol. Bir qyzyǵy, bury­nǵydaı etnomádenı bir­lestik­terdiń qolóner kórme­si emes, turmystyq salt-dástúr­le­rin kórsetetin etnoaýyldar uıymdastyrylady eken. So­nymen qatar, B.Mojaǵulov qalalyq ákimdiktiń aldynda bolatyn merekelik sharalardyń baǵdarlamasyn da aıtyp ótti. Sóziniń sońynda ol osynaý merekelik alańdarǵa kem degende 100 myńnan artyq adam keledi dep josparlanǵanyn jetkizdi. Jaqsybaı SAMRAT, «Egemen Qazaqstan».