Densaýlyq saqtaý mınıstrligi shalǵaı ornalasqan aýyl turǵyndary úshin medısınalyq kómektiń qoljetimdiligin arttyrý maqsatynda medısına uıymdary jelisiniń memlekettik normatıvine ózgerister engizdi, dep habarlaıdy Egemen.kz.
Jańa ózgeristerge sáıkes, endi halyq sany 50 adamǵa deıingi eldi mekender medısına qyzmetkerimen úıde qamtamasyz etiledi. Turǵyndar sany 50-den 500 adamǵa deıingi aýyldarda medısınalyq pýnkter ashý, halyq sany 500-den 1500 adamǵa deıin (buryn 800-den 1500-ge deıin bolǵan) eldi mekenderde feldsherlik-akýsherlik pýnkter qurylady.
Jeliniń jańa normatıvin engizý nátıjesinde 502 medısınalyq pýnkti FAP-qa, 185 dárigerlik ambýlatorııany MSAK ortalyqtaryna qaıta uıymdastyrý belgilengen. Atalǵan ózgerister aıasynda 500-den astam orta medısınalyq qyzmetker, feldsherler men akýsherler paıda bolady.
Sondaı-aq halyq sany 1500-den 5000 adamǵa deıin eldi mekenderde dárigerlik ambýlatorııalar ashylady, sondaı-aq 5000-nan astam turǵyn turatyn aýyldarda MSAK ortalyqtary ashylady. Aýyl halqyna ýaqtyly shuǵyl medısınalyq kómek kórsetý, «altyn saǵat» qaǵıdatyn saqtaý jáne jańa medısınalyq tehnologııalardyń qoljetimdiligi maqsatynda kópbeıindi aýdanaralyq aýrýhanalar kópbeıindi ortalyq aýdandyq aýrýhanalar bolyp qaıta qurylady.
Túrlendirilgen KOAA bazasynda ınsýlt ortalyǵy, az ınvazıvti kardıologııalyq ortalyq (TKA ortalyǵy), medısınalyq ońaltý, travmatologııa jáne ortopedııa, hırýrgııa, reanımasııa jáne qarqyndy terapııa bólimsheleri, perınataldy ortalyq nemese bosandyrý bólimshesi, trıaj júıesi bar qabyldaý bólimshesi, joǵary tehnologııalyq jabdyqpen (KT, MRT, angıograftar) jaraqtandyrylǵan táýlik boıy jumys isteıtin klınıkalyq zerthana qyzmetteri jumys isteýi tıis.
Joǵary atalǵan medısınalyq uıymdar birneshe aýdannyń turǵyndaryna qyzmet kórsetedi. Bul shalǵaı aýdandar men aýyl turǵyndary úshin mamandandyrylǵan jáne joǵary tehnologııalyq medısınalyq kómektiń qoljetimdiligin qamtamasyz etedi.