Qazaqstan Respýblıkasy Parlamenti Senaty Tóraǵasynyń orynbasary Asqar Beısenbaev Túrkitildes memleketter Parlamenttik Assambleıasynyń (TúrkPA) Bas hatshysy Jandos Asanovpen kezdesti, dep habarlady Senattyń baspasóz qyzmeti.
Júzdesýshiler 11-13 maýsymda Bakýde ótkiziledi dep belgilengen TúrkPA-nyń besinshi jalpy sessııasyna ázirlik máselelerin, sondaı-aq, Assambleıanyń turaqty komıssııalary men basqa da jumys organdarynyń qyzmet barysyn talqylady.
A.Beısenbaev túrkitildes elder arasyndaǵy yntymaqtastyqta Parlamenttik Assambleıanyń mańyzdy ólshem ekenin atap ótti. Ol Uıymǵa múshe elder arasyndaǵy ekijaqty jáne kópjaqty turpatta yntymaqtastyqtyń quqyqtyq aıasyn jetildirýge yqpal etetin TúrkPA-nyń saraptamalyq áleýetin jınaqtaýǵa qazaqstandyq taraptyń múddeli ekenin jetkizdi.