Mamlıýt aýdandyq ishki ister bóliminiń polısııa kapıtany tún ortasynda kórshi aýyldaǵy týystarynan qaıtyp kele jatqan 27 jastaǵy jas jigitti kólikpen qaǵyp, mert qyldy.
Marqumnyń jan jary men shıetteı eki balasymen bolashaǵy joq eldimekennen kóship kelip, aýdan ortalyǵyna ornalasqanyna kóp bola qoımaǵan eken. Qaıǵyly oqıǵa Mamlıýt qalasyna kireberiste oryn alǵan. Soqqynyń qatty bolǵany sonshalyq, Rýslan Rahmetov til tartpaı ketken. Tipti sol sátte tártip saqshysynyń uıaly telefony da isten shyqqan. Osy salada bes jyldaı jumys ótili bar 25 jastaǵy Aıdos Qantaev tórt aı buryn qylmystyq izdestirý bólimi jetekshiligine taǵaıyndalǵan edi. Ol kóliginiń memlekettik nómirin aǵytyp, múrdeniń janyna tastaǵan da, ózi jumys ornyna baryp, qaıǵyly oqıǵa jóninde habarlaǵan. Endi onyń qylmysy dáleldense, 7 jylǵa deıin jazaǵa kesilýi yqtımal.
О́mir ESQALI,
«Egemen Qazaqstan».
Soltústik Qazaqstan oblysy,
Mamlıýt aýdany.