Tótenshe jaǵdaılar departamenti Almatyda órttiń tabıǵı oshaqtaryn beınekameralar arqyly anyqtaıdy, dep habarlaıdy Egemen.kz.
Almaty qalalyq TJD basshysy Rýslan Qasybaevtyń aıtýynsha, mundaı sıfrlyq ınnovasııa órtti tútin jáne joǵary temperatýra boıynsha erte kezeńde anyqtaýǵa múmkindik beredi.
«Biz tabıǵı park aýmaǵynda smart-kamera dep atalatyn optıkalyq sensorlyq jáne teplovızor qondyrǵylaryn engizý máselesin pysyqtap jatyrmyz. Temperatýra kameralary arqyly beınebaqylaý jaıaý jáne áýe patrýlderine qaraǵanda tıimdi jáne arzan», dedi ol.
Mundaı kameralar tutaný kózderin avtomatty túrde anyqtaýǵa jáne kúshter men órt sóndirgishterdi jetkizý úshin yńǵaıly marshrýttardy qurýǵa qabiletti.
«Qazavıaormanqorǵaý» Almaty qutqarýshylaryna órtti tez arada joıýǵa kómektesedi. Ystyq kezeńde kún saıyn taýly-ormandy aımaqtyń ústinen ushý júzege asyrylady. Patrýldeý kezinde teplovızory bar dron qoldanylady.
«Dron órt shyqqan jerlerdi anyqtaýǵa jáne oǵan TJD mobıldi toptaryn jiberýge múmkindik beredi. Osyndaı syn-qaterlerdiń barlyǵy joǵary qaýiptilik dárejesine ıe», dep qosty ol.