QR Strategııalyq josparlaý jáne reformalar agenttigi Ulttyq statıstıkalar bıýrosy maýsym aıynda turǵyn úı naryǵyndaǵy baǵa qalaı ózgergenin jarııalady, dep habarlaıdy Egemen.kz.
2021 jylǵy maýsym men 2022 jylǵy maýsym aralyǵynda qoldanystaǵy páterlerdiń baǵasy – 26,8%, al jańa páterler – 19,5%-ǵa ósken. Abattandyrylǵan turǵyn úıdi jalǵa alý aqysy 21%-ǵa kóterilgen. О́ńirler boıynsha jańadan salynǵan turǵyn úı baǵasy Nur-Sultanda aıtarlyqtaı joǵarylaǵan – 27,9%.
Qoldanystaǵy páterler naryǵynda baǵanyń eń joǵary ósimi Qyzylorda qalasynda (46,7%), al jalǵa alý quny Almaty qalasynda (48,3%) qymbat. Bıylǵy mamyrdan maýsymǵa deıin, ıaǵnı bir aıda jańa turǵyn úı baǵasy – 1,1%, al qaıta satý – 0,4% ósti. Abattandyrylǵan turǵyn úıdi jalǵa alý aqysy mamyrmen salystyrǵanda maýsymda 1,1% tómendegen.
Sonymen qatar Ulttyq statıstıka bıýrosy turǵyn úı baǵasy boıynsha aı saıyn monıtorıng júrgizedi. Baǵa ındeksteri oblys ortalyqtary men Nur-Sultan, Almaty, Shymkent, Semeı qalalary boıynsha iriktep baıqaý derekteri negizinde jasalady.
Aıana Toǵanbek