Qaraǵandyda 11 jasar bala qurylysy aıaqtalmaǵan ǵımarattyń lıft shahtasyna qulap ketti, dep habarlaıdy Egemen.kz.
Polısııanyń málimetinshe, jazataıym oqıǵa 3 shildede boldy. Bala aýyr jaraqat alǵanymen, aman qaldy.
«Ol medısınalyq mekemege jetkizildi. Qazirgi ýaqytta saraptama taǵaıyndaldy, onyń nátıjesi boıynsha prosessýaldyq sheshim qabyldanady», dep málimdedi Qaraǵandy oblysy polısııa departamentiniń baspasóz qyzmeti. Qaraǵandy oblysynyń Densaýlyq saqtaý basqarmasynyń habarlaýynsha, bala oblystyq balalar klınıkalyq aýrýhanasynda jatyr. «Jaǵdaıy turaqty bolǵanymen, aýyr halde», deıdi dárigerler. Qazirgi ýaqytta polısııa oqıǵanyń mán-jaıyn anyqtaýda.