Barqytbeldegi balýandar básekesi

О́tken senbide Shyǵys Qazaqstan oblysy Aqsýat aýylynda qazaq kúresiniń mereıin kótergen dúbirli doda ótti. Qazaqsha kúres dese qany qyzbaıtyn qazaq joq. Biz de básekeni tamashalaý maqsatynda Tarbaǵataı aýdanyna arnaıy bardyq. Bıyl ekinshi márte uıym­dasty­­rylǵan Yrǵyzbaı Dos­qa­nauly atyndaǵy týrnırdiń ja­ńalyǵy kóp. Byltyr Astana men Almaty jáne elimizdiń 14 oblysynan balýandar qatysyp, respýblıkalyq dárejede tusa­ýyn kesken týrnır bıyl halyq­aralyq sıpat aldy. Barqytbel baýraıyndaǵy baı­raqty básekege jıyny 45 balýan qatysty. Armenııa, Grýzııa, Reseı, О́zbekstan, Tájikstan, Qyr­ǵyzstan, Mońǵolııa, Qy­taı, Lıtva elderimen qatar ózimizdiń jigit­ter de Qazaq­stannyń namy­syn qorǵady. Jarysty oblys ákimi Berdibek Saparbaev, FILA halyqaralyq kúres túrle­ri qaýymdastyǵynyń komıtet tór­­aǵasy Gıntaýtas Vı­leıta, Dúnıe­júzilik qazaq kú­resi federa­sııa­­sy­nyń prezı­­denti Serik Tóke­ev, sondaı-aq, sport janashyrlary men aýdan jurt­shylyǵy tamashalady. Boz kilemdegi básekege kelsek, salmaǵy 90 kıloǵa deıingi sportshylar arasynda aqtyq synda Almaty oblysynyń balýany Saıat Shámshıev pen Shyǵys Qazaqstannyń namysyn qorǵaǵan Qýanysh Muratov kezdesti. Kóptegen álemdik jarystardyń jeńimpazy bolyp júrgen qos balýan arasyndaǵy taıtalas óte qyzý ótti. Tarbaǵataılyq Qýa­nyshqa jerlesteriniń jan­kúıerligi dem berip, «О́giz balýan» ataǵyn jeńip aldy. Al úshinshi oryn úshin bolǵan bel­desýde reseılik Artem Kova­levskııdi ózbekstandyq Olım Rovshanov utty. Eki kúndik jarysta erekshe kútken syn – 90 kılo salmaqtan joǵary sportshylar arasyndaǵy «Túıe balýan» ataǵyna talas boldy. Úmitkerler sapyndaǵy «Qazaqstan barysy – 2012» týr­nıriniń jeńimpazy Beıbit Ysty­baev bul kezeńge jete almady. Shyǵysqazaqstandyq Mereke Turashevti utqan ózbekstandyq Avozhan Taımuratov úshinshi oryndy enshiledi. Fınaldyq kezdesýge qos shyǵysqazaqstandyq shyqty. Olar ótken jyly «Qazaqstan barysy» týrnırinde Shyǵystyń namysyn qorǵaǵan Aıbek Nuǵymarov pen Muhıt Tursynov bolatyn. Aıbektiń atalǵan týrnırde top jarǵanyn barsha sport jankúıerleri bile­­­di. Qarsylasy Muhıt ta osal emes. Byl­tyr «Shyǵys ba­ry­sy» ob­lys­tyq irikteý sy­nynda ekeýiniń bel­desýin tama­shala­­ǵanbyz. Bir-birine sy­ralǵy, ádis-tásilderine je­tik balýandardyń jattyq­ty­rý­shy­lary – ortaq, ózderi – jaqyn dos. Dese de, boz kilemde joldary túıisken soń ekeýi de aıanyp qalǵan joq. Býra sandy, atan jilikti jigitter ańysyn ańdaýdy uzaqqa sozbady. Aldymen Muhıt búk upaı enshiledi. Kelesi kezekte Aıbektiń jasaǵan ádisin tóreshiler jaramsyz dep tanydy. Bulshyq et jyrtylar qar­­ma­sýdan soń Aıbek te búk upaı aldy. Esep teńesti. Belgilengen ýaqytta bir-birinen aılasyn da, kúshin de asyra almaǵan balýandarǵa tóreshiler beldesý belgiledi. Muhıtty qap­syra qushaqtap tik kóterip alǵan Aıbek kilemniń shetinen asyra aparyp tastady. Jeńis! Osylaısha, túıe balýan atanǵan Aıbek 10 myń AQSh dollaryn utyp aldy. Jobaǵa demeýshilik etken «Qazsınk» kompanııasy basqa jeńimpazdarǵa da qomaqty aqshalaı syılyqtar tabys etti. Dýman ANASh, «Egemen Qazaqstan». Shyǵys Qazaqstan oblysy, Tarbaǵataı aýdany.