Memleket basshysy Qasym-Jomart Toqaev Japonııanyń burynǵy premer-mınıstri Sındzo Abeniń qastandyq áreket saldarynan qaza bolǵany týraly sýyt habardy tereń kúızelispen qabyldady, dep habarlaıdy Egemen.kz Aqordanyń baspasóz qyzmetine silteme jasap.
«Álem jurtshylyǵy Sındzo Abeni eliniń damýy men baıandy bolashaǵy úshin uzaq jyldar boıy qajyrly qyzmet etken kórnekti saıasatker, halyqaralyq turaqtylyq pen qaýipsizdikti nyǵaıtýǵa súbeli úles qosqan parasatty kóshbasshy dep biledi.
Sındzo Abeniń jarqyn beınesi Qazaqstan halqynyń jadynda qazaq-japon arasyndaǵy dostyq pen senimdi bekemdeı túsken tulǵa, san qyrly yntymaqtastyqty nyǵaıtýǵa zor eńbek sińirgen memleket qaıratkeri retinde máńgi saqtalady.
Qazaqstan halqynyń jáne jeke óz atymnan marqumnyń otbasy men týǵan-týystaryna, sondaı-aq barsha otandastaryńyzǵa qaıǵyra kóńil aıtamyn», delingen jedelhatta.
Aıana Toǵanbek