Qyzylorda oblysy Polısııa departamentiniń Esirtki qylmysyna qarsy is-qımyl basqarmasynyń qyzmetkerleri sora ósimdigin ósirgen 58 jáne 41 jastaǵy qala turǵyndary dalalyq aımaqta qylmys ústinde ustady, dep habarlaıdy Egemen.kz.
6 shilde kúni Syrdarııa aýdany Besaryq aýyly Pothoz eldi mekeninen Jańadarııa ózeni jaǵasy dalalyq aımaǵynan qalyń sheńgel arasynan 357 túp sora ósimdigi anyqtaldy. Oqıǵa basynan zattaı dáleldeme retinde palatka, gaz ballon, plıta, 20 lıtrlik quty, shelek, bóshke, 35 metrlik shlanga, kórpe-tósekter, bir akkýmýlıator, 25 metrlik uzartqysh, ydys aıaqtar alyndy.
Sot saraptamasynyń qorytyndysyna sáıkes, alynǵan ósimdikterdiń jalpy salmaǵy 21 kelige jýyq sora bolyp shyqty.
Bul derek boıynsha Qazaqstan Respýblıkasy Qylmystyq kodeksiniń 300-babynyń 2-bóligimen sotqa deıingi tergep-tekserý áreketteri júrgizilýde. Oqıǵanyń mán – jaılary anyqtalýda.
Aıana Toǵanbek