«Qazgıdromet» RMK-sy shildeniń 9-y kúngi kún raıy boljamyn jarııalady, dep habarlaıdy Egemen.kz «Qazgıdromet» RMK-na silteme jasap.
Kásiporyn taratqan derekterge qaraǵanda, ońtústik sıklony jáne onymen baılanysqan atmosferalyq frontaldy bólikterdiń yqpalymen Qazaqstannyń basym bóliginde jańbyr jaýady.
Sondaı-aq naızaǵaı oınap, burshaq jaýady, jel kúsheıip, respýblıkanyń shyǵysynda daýyl turady, túnde jáne tańerteń soltústik-batysta, soltústikte, ortalyqta tuman túsedi. Tek Qazaqstannyń batys jáne ońtústik aımaqtaryna batys antısıklony yǵysyp, kún ashyq bolady.
Qyzylorda oblysynyń batysynda, shyǵysynda, Abaı oblysynyń shyǵysynda, Túrkistan oblysynyń soltústiginde, shóldi aýdandarynda, Qaraǵandy oblysynyń ońtústik-shyǵysynda, Jambyl oblysynyń ońtústiginde, Almaty oblysynyń batysynda tótenshe órt qaýpi saqtalady.