Kaspıı teńiziniń qazaqstandyq sektoryndaǵy «Qashaǵan» ken ornynan munaı óndirý qaıta jalǵasady, dep habarlaıdy Egemen.kz.
NCOC kompanııasy baspasóz qyzmetiniń málimetinshe, «Qashaǵan» ken ornyndaǵy teńiz jáne qurlyq nysandarynda josparly aldyn alý maqsatyndaǵy jóndeý jumystary oıdaǵydaı aıaqtalǵan. О́ndiristik operasııalardy tolyqtaı toqtatý kezinde NCOC qajetti tehnıkalyq kútim jasaý men tekserý jumystaryn júrgizdi. О́ndiristik operasııalardyń qaýipsizdigi men senimdiligin qamtamasyz etý baǵytyndaǵy birqatar jobany iske asyrdy.
«NCOC úshin josparly aldyn alý maqsatyndaǵy jóndeý jumystary – nysannyń bútindigin qamtamasyz etý, senimdiligin men óndiris kólemin arttyrý baǵytyndaǵy aıtýly kezeń. Keń aýqymdy jumystardy qaýipsiz ári ýaqtyly oryndaýǵa 10 myńnan astam adam jumyldyryldy. Ony qazaqstandyq mamandar atqardy. Jóndeý jumystaryn atqarýǵa atsalysqan taraptarǵa – merdigerlerimiz, aksıonerlerimiz ben memlekettik organdarǵa osy mańyzdy jobany ýaqtyly jáne oıdaǵydaı aıaqtaý maqsatynda kórsetken qoldaýlary men qosqan úlesteri úshin alǵys bildirgim keledi», deıdi NCOC kompanııasynyń basqarýshy dırektory Olıve Lazar.
Onyń aıtýynsha, jóndeý jumystary aıaqtalǵannan keıin NCOC uńǵymalardy qaıta ashyp, óndiristik júıelerdi qalypty jumys rejımine aýystyrdy. Teńiz jáne qurlyq nysandaryn birtindep qaıta iske qosa bastady.
NCOC qaýipsizdik pen óndiristiń turaqtylyǵyna basty nazar aýdaryp, óndiris kólemin arttyrýdy budan ári jalǵastyra bermek.
«Qashaǵan» – Kaspıı teńiziniń qazaqstandyq sektorynda munaı óndiriletin alǵashqy eń iri ken orny. 2000 jyly ashylǵan. Munda óndiriletin munaı qory – boljam boıynsha 9-13 mlrd barrel. «Qashaǵanda» kommersııalyq munaı óndirý 2016 jylǵy kúzde bastalǵan.