Qaraǵandy oblysynyń Buqar jyraý aýdanynda jeńil avtokólik jol shetine ushyp ketip, aryqqa batyp ketti. Saldarynan eki adam qaza tapty, dep habarlaıdy Egemen.kz.
Oqıǵa 9 shilde kúni saǵat 18.15 shamasynda «Qaraǵandy-Qarqaraly» avtojolynyń 34-shi shaqyrymynda bolǵan.
Belgili bolǵandaı, «Aýdı 80» avtokóliginiń 56 jastaǵy júrgizýshisi rýldi basqara almaı, kólik jol shetine shyǵyp ketip, sýǵa batqan.
«Jol apaty saldarynan 70 jáne 56 jastaǵy jolaýshylar oqıǵa ornynda kóz jumdy. Kólik júrgizýshisi medısınalyq mekemege jetkizildi. Fakt polısııada tirkelip, tıisti saraptama taǵaıyndaldy, onyń nátıjesi boıynsha prosessýaldyq sheshim qabyldanady», - dep habarlady Qaraǵandy oblysy PD baspasóz qyzmeti.
Aıta ketý kerek, ótip bara jatqan júrgizýshiler jolaýshylardy qutqarýǵa tyrysqan.
Arqannyń kómegimen birneshe adam kólikti sýdan shyǵarýǵa áreket etken. Alaıda eki jolaýshyny qutqarý múmkin bolmady.