Jetisý oblysynyń ákimi Beıbit Isabaev Aqsý aýdanyna issaparmen bardy. Ol aýdandaǵy ónerkásip jáne aýylsharýashylyq qurylymdaryn aralap, jańa salynyp jatqan áleýmettik nysandardyń jumysymen tanysty. Egistik alqaptaryn da aralady. Irrıgasııalyq júıelerdiń qurylysyn kórip, múmkindigine nazar aýdardy.
О́ńir basshysy aldymen Qyzylaǵash sý qoımasyna bardy. Qoıma 42 mln tekshe metr sý jınaýǵa arnalǵan. Búginde munda jınalǵan sýdy saqtaý, naýa arqyly aǵyzý, alqaptarǵa taratý kompıýter arqyly avtomatty túrde basqarylady. Ázirge basqarý men sý jiberý júıesi qalypty atqarylýda. Qoıma jyldyń sońynda tolyǵymen iske qosylmaq.
Qyzylaǵash aýylyndaǵy «Agroholdıng Aqsý» seriktestiginiń qaramaǵynda 1 870 gektar alqap bar. Munda aýylsharýashylyq tehnıkalarynyń parki de ornalasqan. Astyq egýge arnalǵan tehnıkanyń sany 50 birlikti quraıdy. Seriktestik byltyr 1 300 bas iri qaraǵa arnalǵan taýarly sút fermasynyń qurylysyn bastaǵan. О́tken jyldan beri 617 bas iri qaradan alynatyn sút fermasynyń ónimderi «Fýdmaster» kásipornynda óńdeledi. Mal azyǵyn daıyndaýdy da ózderi qolǵa alǵan. Mysaly, byltyr 250 gektar alqapqa jońyshqa, 320 gektarǵa júgeri, 220 gektarǵa kúzdik bıdaı ekse, bıyl egistik jer kólemin edáýir ulǵaıtypty. Munda syr zaýytyn salý josparlanýda. Aldaǵy ýaqytta 1 300 basqa arnalǵan taǵy bir taýarly sút fermasyn salmaq. Ferma basshysy barlyq jumysshyny jergilikti jerden alatynyn aıtty. Atalǵan sharýashylyq áleýmettiń áleýetin kóterý maqsatynda aýyl turǵyndaryna arnap baspana salý isin de qolǵa almaq.
Saǵabúıen aýylynda 1980 jyly salynǵan mektep kúrdeli jóndeýden ótýde. Nysannyń kólemi – 3 536 tekshe metr. Eki qabatty ǵımarat 620 oqýshynyń bilim alýyna arnalǵan. Búginde onda ınfraqurylym tartý, edendi jańalaý, ákteý-syrlaý jumystary júrgizilýde. Oblys ákimi Beıbit Isabaev nysannyń jan-jaǵyn kógalandyrý sharasyn da qatar júrgizý kerektigin eskertti. Aýyldaǵy jańadan salynyp jatqan mektep qurylys materıaldarynyń qymbattap ketýine baılanysty kesteden keshiktirilýde. Qurylys jumysynyń qarjysy qaıta eseptelip, kerekti qarajatqa túzetý engizilgen. О́ńir basshysy qurylys jumysyn aıaqtap, nysandy paıdalanýǵa berý ýaqytyn jyldyń aıaǵyna deıin sozdy. Aýdanda «Aqsý GES» forel sharýashylyǵy qurylýda. Seriktestiktiń tóraǵasy Aıbarbek Muhamedıevtiń aıtýynsha, sharýashylyqty ashýǵa 515 mln teńge qarjy jumsalǵan. Búginde munda ınkýbasııa sehy salynýda. Bolashaqta balyqtan qyzyl ýyldyryq alý josparlanýda. Sonymen birge qaıta óńdeýmen shuǵyldanyp, balyq ónimin kóbeıtpek.
Aqsý aýdanyndaǵy irgeli sharýashylyq «Aqsý qant» zaýytynyń jetekshisi Samat Nádirbaev byltyr 64 866 tonna qant qyzylshasynan 7,7 tonna daıyn ónim alǵanyn aıtty. Bıyl jyl sońyna deıin qant qamysyn óńdeý qolǵa alynbaq. Zaýyttyń múmkindigin kórgen óńir basshysy alqaptarǵa sý jiberý, aýyspaly egis júıesin saqtaý, sýbsıdııa berý arqyly qant qyzylshasyn ósirýge qoldaý bildiriletinin jetkizdi. Sondaı-aq zaýyt basshysyna sharýashylyqtarmen birlesip, aldaǵy ýaqytta atqaratyn jumystardy pysyqtaýdy tapsyrdy.
Jansúgir aýylynda «Qazsýshar» memlekettik mekemesiniń qoldaýymen sharýaishilik kanalyn júrgizý qolǵa alynǵan. Irrıgasııalyq júıe Islam banki arqyly qarjylandyrylýda. Sý júıesi jańartylǵan kezde 196,5 gektar astyq alqaby sýmen qamtamasyz etiledi. О́ńir basshysy alqaptarǵa sý jiberýdiń basqa da tehnologııalary jaıly oıyn aıtty. Jańbyrlatqysh agregattar qoıý da tyǵyryqtan shyǵýǵa negiz bolmaq. Bul ister aldaǵy ýaqytta kezeń-kezeńimen júıege asyrylmaq.
Aqsý aýdanyna arnaıy issparmen kelgen oblys basshysy irgeli isterdi atqarýda birlesip qana nátıjege qol jetkizýge bolatynyn eskertti. О́ńirdi damytýǵa barynsha qoldaý jasaıtynyn da jasyrmady.
Jetisý oblysy