Jaǵajaıǵa Túrkistan oblysynyń ákimi О́mirzaq Shókeev kelip, qala turǵyndaryn quttyqtap, jańa ujymǵa tabys tiledi, dep habarlaıdy Egemen.kz.
Týrıstik-reaksııalyq ortalyqtyń ashylý saltanatyna óńirden, Shymkentten jáne elimizdiń basqa qalalarynan týrıster keldi. Sondaı-aq balalarǵa túrli oıyn uıymdastyryldy.
Jańa nysan týrızmdi damytýǵa ǵana emes, Túrkistan aýmaǵyn kógaldandyrýǵa jáne klımattyq jaǵdaılardy jaqsartýǵa da yqpal etedi.
Eske salaıyq, jaǵajaı qurylysy 2020 jyldyń qarashasynda bastaldy. Jalpy aýdany - 81 gektar, al sý syıymdylyǵy - shamamen 2,5 mıllıon tekshe metr.
Kóktemgi sýdy qabyldaıtyn jáne ony ótkizetin arnalar da daıyn. Jaǵajaıda emdik qasıetteri bar qum tóselip, aǵashtar otyrǵyzylǵan. Jańa týrıstik nysanǵa aparatyn joldyń sapasy joǵary deńgeıde. Jaqyn arada balalar demalys aımaǵyn, elıtalyq kottedjder, qonaqúıler, akvapark salý josparlanyp otyr.