Pavlodar oblysynyń turǵyndary óz erikterimen 6 mln teńgege jýyq somaǵa qarý tapsyrdy, dep habarlaıdy Egemen.kz.
Oblystyq polısııa departamenti baspasóz qyzmetiniń málimetinshe, bıylǵy 8 shildedegi jaǵdaı boıynsha qarýdy óz erkimen tapsyrý týraly nıet bildirgen turǵyndardan 70 ótinish túsken, tirkelmegen 75 qarý qabyldandy. Turǵyndar 57 tegis uńǵyly qarý, 16 oıyq uńǵyly qarý jáne oıyq uńǵyly qarýǵa 8 287 patron tapsyrǵan.
«Pavlodar qalasynyń turǵyny óz erkimen 16-kalıbrli «IJ-K» markaly bir uńǵyly myltyq, Pavlodar aýdanynyń turǵyny marqum ákesinen qalǵan 1 tegis uńǵyly, «IJ-18», 16-kalıbrli ańshylyq myltyq ákeldi. Tólemniń boljaldy somasy – 64 323 teńge. Búgingi tańda shamamen 5 mln 876 myń 389 teńge somaǵa qarý tapsyryldy», dedi aımaqtaǵy PD ákimshilik polısııa basqarmasynyń bastyǵy Borıs Álimbaev.
О́ńir polıseıleri tirkelmegen atys qarýyn, oq-dárilerdi jáne jarylǵysh zattardy óz erikterimen tapsyrǵan azamattar qylmystyq jáne ákimshilik jaýapkershilikten bosatylatynyn eske salady.
Aıana Toǵanbek