Jobaǵa kem degende 300 jas qazaqstandyq qatysa alady, dep habarlaıdy Egemen.kz.
Áleýmettik joba jas jýrnalısterdiń kásibı deńgeıin arttyrýǵa, kommýnıkasııa qurýǵa arnalǵan jańa alańdardy qalyptastyrýǵa, jas jýrnalısterdiń shyǵarmashylyq jáne qoǵamdyq belsendiligin yntalandyrýǵa baǵyttalǵan.
«Jobanyń mańyzdy mindetteriniń biri – jas jýrnalısterdiń kásibıligin arttyrý. Medıa mamandaryna onlaın formatta jumys isteý yńǵaıly bolǵandyqtan, biz elektrondy platformany daıyndaıtyn bolamyz. Munda joba qatysýshylary úshin oqytý kýrstary men jańalyqtar portaly qoljetimdi bolady», deıdi «Qazaqstan jastar kongresi» ZTB dırektorynyń orynbasary Kamıla Amýrtaeva.
Joba aıasynda konkýrstyq negizde jas jýrnalısterge 20 shaǵyn grant bólinedi. Jalpylaı alǵanda, kásibı bilim alý jáne úzdik praktıkalarmen almasý baǵytyndaǵy oqytýdan keminde 300 jas qazaqstandyq ótedi.
Sondaı-aq Nur-Cultan, Shymkent jáne Aqtóbe qalalarynda jastarǵa arnalǵan pikirtalas alańdary jumys isteıdi.
«Forým úsh kúndik oqytý formatynda ótedi. Biz jýrnalıst bolýdy armandaıtyn jas azamattardy jýrnalıstıka fakýltetteriniń stýdentterin, jas mamandardy jınaımyz. Forým qatysýshylary teorııalyq qana emes, praktıkalyq turǵyda bilim alýy úshin medıa salasynyń sarapshylary men kásipqoılary jobaǵa trenerler retinde shaqyrylady», dedi Kamıla Amýrtaeva.
Aıana Toǵanbek