Aqparattyq modelderdiń memlekettik banki qurylys nysanyndaǵy úrdisterdi basqarý úshin biryńǵaı sıfrlyq alańǵa aınalady, dep habarlaıdy Egemen.kz Indýstrııa jáne ınfraqurylymdyq damý mınıstrligine silteme jasap.
Atalǵan júıe aqparattyq modeldeý tehnologııalaryn qoldana otyryp, qurylys obektilerin onlaın-formatta modeldeýge múmkindik beredi.
«Osylaısha, memlekettik bank platformasynda tapsyrys berýshiler qurylys jobasynyń basqa qatysýshylarymen ózara baılanys ornatyp, qurylysqa daıyndyq úshin qajet satylardan onlaın rejımde óte alady», delingen vedomstvo habarlamasynda.
Aqparattyq modelder bankin «E-Qurylys» jáne «E-Shańyraq» platformalarymen ıntegrasııalaý josparlanyp otyr. «E-Qurylys» júıesi qurylys prosesterin barlyq kezeńderde onlaın-rejımde baqylaýǵa múmkindik beredi. Al, «E-Shańyraq» platformasy - turǵyn úı qoryn basqarýdyń ashyqtyǵyn qamtamasyz etip, qurylys salasynda monıtorıng pen taldaý jasaıtyn sýbektilerdiń biryńǵaı júıesi.
Kózdelip otyrǵan jańa IT-sheshim qurylys jumystaryn jobalaý barysynda elektrondyq qujat aınalymyna kóshýge múmkindik beredi. Sáıkesinshe, jobalyq-smetalyq qujattamany ázirleý prosesinde barynsha ashyqtyqty qamtamasyz etedi.
Qazirgi ýaqytta memlekettik bank saraptamalyq qyzmet úshin ıntegrasııalyq servıster men júıeniń jańa modýlderin ázirleýdiń belsendi kezeńinde. Jobaǵa qatysýshylar salalyq bıznes-prosesterdi, sonymen birge tehnıkalyq talaptardy daıyndaý úshin derekterdiń qurylymyn taldaý jumystaryna jumyldyrylǵan.