«Altyn adam» Jetisý sheberler ortalyǵy» qoǵamdyq birlestigi Tekeli qalasyndaǵy Ortalyq Azııa ýnıversıtetiniń ǵımaratynan múmkindigi shekteýli jandarǵa arnalǵan oqytý ortalyǵyn ashty. Ony «Mamanııa» sheberlik ortalyǵy dep atady.
«Mamanııa» mektebiniń negizin 1889 jyly aǵartýshy, mesenat Turysbek Mamanov qalaǵan. Qazaq dalasyna bilim shyraǵyn jaqqan oqý ordasynyń biri. О́tken ǵasyrdyń alǵashqy jartysyndaǵy Jetisý jerinen túlegen ult kóshbasshylarynyń deni osy mektepte bilim alǵan. Ortalyqtyń atyn «Mamanııa» dep ataýdyń da máni tereńde.
«Maqsatymyz – «Mamanııa» mektebiniń ıgi isterin qaıta jańǵyrtý. Bul jerde múmkindigi shekteýli balalarǵa ınklıýzıvti bilim beremiz. Bolashaqta aýqymyn keńeıtip, sheberler mektebine aınaldyrý oıymyzda bar», deıdi «Altyn adam» Jetisý sheberleri ortalyǵynyń tóraıymy Dına Bakırova.
Qamkóńil jandarǵa jasalǵan osyndaı qamqorlyq qala basshylary men turǵyndaryn da beıjaı qaldyrmaǵany anyq. Ashylý saltanatyna Tekeli qalasynyń ákimi Batyr Moldahmetov qatysyp, izgi nıetin bildirdi.
Ortalyqta múmkindigi shekteýli balalar tegin bilim alyp, ónerin óristetedi. Ondaǵy múmkindigi shekteýli 38 balaǵa 4 sheber keskindeme, sýret salý, bezendirý, modeldeý, kıiz basý, besmer tigý, sabyn jasaý sııaqty úıirmelerde qolónerden sabaq beredi. Olardyń alańsyz bilim alýyna barlyq jaǵdaı jasalǵany kórinip tur.
«Ortalyqty ashar aldynda múmkindigi shekteýli jandardyń erkin kirip-shyǵýyna kóńil bóldik. Ǵımarattyń kirip-shyǵý qurylǵylary, esik, ústel, oryndyqqa deıin eýropalyq standart boıynsha ornalastyryldy. Sondaı-aq múmkindigi shekteýli azamattarmen jumys isteýde tájirıbemiz mol. Osy jerge kelgen ár adam jaqsy bilim alyp, sheberligin shyńdap, eshkimge jaltaqtamaı, jeke kásibin ashýǵa kerekti biliktilik jınap qaıtsa, qýanar edik», dedi Ortalyq Azııa ýnıversıtetiniń ákimshilik ókili Raıhan Seısekenova.
Ortalyq atalǵan birlestiktiń jeke qarjysymen ashyldy. Aldaǵy ýaqytta basqa aýdan, qalalardan da osyndaı ıgilikti jumys qolǵa alynbaq.
Jetisý oblysy