2013 jylǵy 30 jeltoqsan, Astana qalasy
«Bilim alýshylarǵa qarjy uıymdary beretin bilim berý kredıtteri boıynsha kepildik mólsherin belgileý qaǵıdalaryn bekitý týraly» 2013 jylǵy 19 naýryzdaǵy № 97 Qazaqstan Respýblıkasy Bilim jáne ǵylym mınıstriniń buıryǵyna ózgerister men tolyqtyrýlar engizý týraly
buıyramyn:
1. «Bilim alýshylarǵa qarjy uıymdary beretin bilim berý kredıtteri boıynsha kepildik mólsherin belgileý qaǵıdalaryn bekitý týraly» 2013 jylǵy 19 naýryzdaǵy № 97 Qazaqstan respýblıkasy Bilim jáne ǵylym mınıstriniń buıryǵyna (Normatıvtik quqyqtyq aktilerdi memlekettik tirkeý tiziliminde 2013 jyl 23 sáýirde № 8434 tirkelgen, 2013 jylǵy 12 maýsymdaǵy № 198-199 (27472-27473) «Kazakstanskaıa pravda» gazetinde jarııalanǵan) tómendegideı ózgerister men tolyqtyrýlar engizilsin:
Atalǵan buıryqpen bekitilgen Bilim alýshylarǵa qarjy uıymdary beretin bilim berý kredıtteri boıynsha kepildik mólsherin belgileý qaǵıdalarynda:
2-tarmaq:
myna mazmundaǵy 5) tarmaqshamen tolyqtyrylsyn:
«5) Memlekettik bilim berý jınaqtaý júıesi - Qazaqstan Respýblıkasynyń zańnamasymen retteletin jáne qatysýshy bankterdiń halyqtyń salymdaryn tartýyna jáne olarǵa syıaqylar men memleket syılyqaqylaryn esepke jazýǵa negizdelgen, bilim berý qyzmetterine aqy tóleýge arnalǵan aqshalaı jınaqtar júıesi.»;
3-tarmaq myna redaksııada jazylsyn:
«3. Kepildik mólsheri Kepildik týraly ótinim berilgen kúnge deıingi akademııalyq merzimdegi (semestr) bilim alýshynyń úlgerimine baılanysty. Eger burynǵy akademııalyq merzimdegi (semestr) úlgerim týraly aqparat bolmaǵan jaǵdaıda qabyldaý emtıhandarynyń qorytyndysy ne ulttyq biryńǵaı testileý (budan ári - UBT) nemese keshendi testileýdiń (budan ári - KT) nátıjeleri paıdalynady. Eger bilim alýshynyń burynǵy akademııalyq merzim (semestr) úshin nemese birneshe burynǵy akademııalyq merzimder (semestr) úshin oqý aqysy boıynsha qaryzdary bar bolsa, onyń úlgerimi kepildik alýǵa ótinish túsken kúnge sońǵy akademııalyq merzimniń (semestr) qorytyndylary boıynsha esepteledi.»;
6 jáne 7-tarmaqtar myna redaksııada jazylsyn:
«6. Qazaqstan Respýblıkasy joǵary oqý oryndaryna (budan ári - JOO) magıstratýraǵa oqýǵa túsýshilerdiń úlgerimi qabyldaý emtıhandary qorytyndylarynyń paıyzdyq mazmundaǵy ortasha arıfmetıkalyq maǵynasyn shyǵarý arqyly esepteledi. Qabyldaý emtıhandary ártúrli bilimdi baǵalaý júıeleri (áriptik júıe, paıyzdyq mazmunda, dástúrli júıe, baldardyń sıfrlik balamasy) boıynsha baǵalanǵan jaǵdaıda úlgerim ár emtıhan boıynsha paıyzdyq mazmunda bólek eseptelip, alynǵan qorytyndylardyń ortasha arıfmetıkalyq máni anyqtalady.
7. Joǵary bilimi bar azamattar qysqa merzimdi oqý túrlerine túsetin jaǵdaıda úlgerim joǵary bilim týraly dıplomǵa qosymshadaǵy qorytyndy baǵalardyń arıfmetıkalyq maǵynasyn shyǵarý arqyly esepteledi.»;
10-tarmaq myna redaksııada jazylsyn:
«10. Kepilik mólsheri bilim berý kredıtterine kepildik berýdiń tıisti baǵdarlamalaryna baılanysty osy Qaǵıdalarǵa «Negizgi qaryz somasynan esepteletin kepildik mólsherin anyqtaý» 2-qosymshaǵa sáıkes 1-8 kesteleri negizinde anyqtalady.»;
11-tarmaq:
4) tarmaq alynyp tastalsyn;
myna mazmundaǵy 7), 8) tarmaqtarmen tolyqtyrylsyn:
«7) Qazaqstan Respýblıkasynyń tehnıkalyq jáne kásibı, orta bilimnen keıingi, joǵary jáne joǵary oqý orynnan keıingi (magıstratýra) bilim berý uıymdarynda bilim berý qyzmetterin Memlekettik bilim berý jınaqtaý júıesi sheńberinde júz paıyzdyq kepildikpen;
8) Qazaqstan Respýblıkasy aýmaǵynda óz qyzmetin júzege asyratyn JOO-larda bilim berý qyzmetterin kóp balaly, tolyq emes jáne turmysy tómen otbasylardaǵy, jetim jáne ata-ananyń qamqorynsyz qalǵan, múgedek ne ata-anasy múgedek nemese zeınetkerlik jasqa jetken stýdentter men magıstranttar úshin jeńildikti sharttarmen júz paıyzdyq kepildikpen.»;
12-tarmaq myna redaksııada jazylsyn:
«12. Osy Qaǵıdalardyń 11-tarmaǵynyń 1) - 7) tarmaqshalarynda kórsetilgen bilim berý kredıtterin kepildendirý baǵdarlamalary boıynsha bilim berý kredıti qaryz alýshyǵa ár qaısysy bir akademııalyq kezeń (semestr nemese jyl) úshin oqýdyń qunynan aspaıtyn bólek transhtarmen beriledi, bilim berý kredıti qolma-qol aqshasyz tártippen oqý orynnyń esepshotyna aýdarylady. Osy qaǵıdalardyń 11-tarmaǵynyń 8) tarmaqshasynda kórsetilgen bilim berý kredıtterin kepildendirý baǵdarlamasy boıynsha bilim berý kredıti qaryz alýshyǵa JOO-da oqýdyń barlyq kezeńine beriledi.»;
16-tarmaq alynyp tastalsyn;
myna mazmundaǵy 19, 20-tarmaqtarmen tolyqtyrylsyn:
«19. Osy Qaǵıdalardyń 11-tarmaǵynyń 7) tarmaqshasynda qarastyrylǵan jaǵdaıda kepildik mólsheri osy Qaǵıdalarǵa «Negizgi qaryz somasynan esepteletin kepildik mólsherin anyqtaý» 2-qosymshaǵa sáıkes 7-kesteniń negizinde negizgi qaryz somasynan 100% (júz paıyzdy) quraıdy.
Bul baǵdarlama Memlekettik bilim berý jınaqtaý júıesi sheńberinde shart jasasqan jáne jınaqtaǵan somasy oqýdyń aqysyn tolyq tóleýge qajetti somanyń keminde elý paıyzyn quraıtyn qaryz alýshylarǵa qatysty qoldanylady.
20. Osy Qaǵıdalardyń 11-tarmaǵynyń 8) tarmaqshasynda qarastyrylǵan jaǵdaıda kepildik mólsheri osy Qaǵıdalarǵa «Negizgi qaryz somasynan esepteletin kepildik mólsherin anyqtaý» 2-qosymshaǵa sáıkes 8-kesteniń negizinde bilim berý kredıtin naqty paıdalaný merzimi ishinde aýdarylǵan kredıttik jeli men syıaqynyń somasynan 100% (júz paıyzdy) quraıdy.
Jeńildikti bilim berý kredıtteri Qazaqstan Respýblıkasynyń bilim berý uıymdarynda kúndizgi oqý bóliminde aqyly negizde oqıtyn jáne joǵary bilim berýdiń kásibı oqý baǵdarlamasyn meńgerip júrgen, onyń ishinde bazalyq medısınalyq bilim, sondaı-aq magıstratýra baǵdarlamalary boıynsha oqıtyn Qazaqstan Respýblıkasynyń azamattaryna usynylady;
«Bilim alýshylarǵa qarjy uıymdary beretin bilim berý kredıtteri boıynsha kepildik mólsherin belgileý qaǵıdalaryn» 2-qosymshada:
4-keste alynyp tastalsyn;
mynandaı mazmundaǵy 7,8 - kestelerimen tolyqtyrylsyn:
«7-keste. Qazaqstan Respýblıkasynyń tehnıkalyq jáne kásiptik, orta bilimnen keıingi, joǵary jáne joǵary oqý orynnan keıingi (magıstratýra) bilim berý uıymdarynda bilim berý qyzmetteriniń aqysyn tóleý úshin qarjy uıymdary tarapynan Memlekettik bilim berý jınaqtaý júıesi sheńberinde beriletin bilim berý kredıtterin kepildendirý baǵdarlamasy boıynsha:
Kepildendirý paıyzynyń mólsherin anyqtaý parametrleri 100%
tehnıkalyq jáne kásiptik, orta bilimnen keıingi bilim berý uıymdaryna túsetinder úshin
UBT (qazaq nemese orys tili (bilim alý tili), Qazaqstan tarıhy, matematıka jáne tańdaý boıynsha pán) /KT qorytyndylary boıynsha úlgerim 30 baldan kem emes
2 pán – qazaq nemese orys tili jáne mamandyq profıli boıynsha qabyldaý emtıhandarynyń qorytyndylaryna sáıkes úlgerim (negizgi orta bilim negizinde oqýǵa túsýshiler úshin) 20 baldan kem emes
bilim berý, quqyqtaný, ekonomıka, medısına jáne farmasevtıka mamandyqtary boıynsha túsýshiler úshin 2 pán – qazaq nemese orys tili jáne mamandyq profıli boıynsha qabyldaý emtıhandarynyń qorytyndylaryna sáıkes úlgerim (jalpy orta bilim negizinde oqýǵa túsýshiler úshin), 25 baldan kem emes
3 pán – qazaq nemese orys tili, Qazaqstan tarıhy jáne mamandyq profıli boıynsha qabyldaý emtıhandarynyń qorytyndylaryna sáıkes úlgerim (jalpy orta bilim negizinde oqýǵa túsýshiler úshin) 30 baldan kem emes
bilim berý, quqyqtaný, ekonomıka, medısına jáne farmasevtıka mamandyqtary boıynsha talapkerler úshin 3 pán – qazaq nemese orys tili, Qazaqstan tarıhy jáne mamandyq profıli boıynsha qabyldaý emtıhandarynyń qorytyndylaryna sáıkes úlgerim (jalpy orta bilim negizinde oqýǵa túsýshiler úshin) 35 baldan kem emes
joǵary jáne joǵary oqý orynnan keıingi (magıstratýra)
bilim berý uıymdaryna túsýshiler úshin
UBT (qazaq nemese orys tili (bilim alý tili), Qazaqstan tarıhy, matematıka jáne tańdaý boıynsha pán) /KT qorytyndylary boıynsha úlgerim 50 baldan kem emes
Qabyldaý emtıhandarynyń qorytyndysy boıynsha úlgerim 50 baldan kem emes
Aǵymdaǵy úlgerim
Emtıhan sessııasy (bes baldyq júıe) 3,5 baldan kem emes
GPA qorytyndysy boıynsha 1,33 baldan kem emes
paıyzdyq mazmunda 55 baldan kem emes
8-keste. Jeńildikti sharttarda kóp balaly, tolyq emes jáne turmysy tómen otbasylardan shyqqan, jetim jáne ata-anasynyń qamqorynsyz qalǵan, múgedek ne ata-anasy múgedek bolyp tabylatyn nemese zeınetkerlik jasqa jetken stýdentter men magıstranttarǵa Qazaqstan Respýblıkasy aýmaǵynda óz qyzmetin júzege asyratyn JOO-larda bilim berý qyzmetiniń aqysyn tóleý úshin qarjy uıymdary tarapynan beriletin bilim berý kredıtterin kepildendirý baǵdarlamasy boıynsha:
Kepildendirý paıyzynyń mólsherin anyqtaý parametrleri 100%
UBT (qazaq nemese orys tili (bilim alý tili), Qazaqstan tarıhy, matematıka jáne tańdaý boıynsha pán) /KT qorytyndylary boıynsha úlgerim 65 baldan kem emes
Emtıhan sessııasynyń qorytyndysy boıynsha aǵymdaǵy úlgerim (bes baldyq júıe) Barlyq oqý kezeńi úshin «jaqsy» «óte jaqsy» baǵalaryna sáıkes balama baǵalar
GPA
Paıyzdyq mazmundaǵy úlgerim
».
2. Qarjy jáne ınvestısııalyq jobalar departamenti (Nurǵojaeva T.A.):
1) osy buıryqtyń Qazaqstan Respýblıkasy Ádilet mınıstrliginde memlekettik tirkeýden ótýin qamtamasyz etsin;
2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.
3. Osy buıryqtyń oryndalýyn baqylaý Qarjy jáne ınvestısııalyq jobalar departamentiniń dırektoryna (Nurǵojaeva T.A.) júktelsin.
4. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstrdiń mindetin atqarýshy T. BALYQBAEV.
Buıryq Qazaqstan Respýblıkasynyń Ádilet mınıstrliginde 2014 jylǵy 3 aqpandaǵy Normatıvtik quqyqtyq kelisimderdi memlekettik tirkeýdiń tizilimine №9122 bolyp engizildi.