ATYRAÝ. 29 sáýir. Atyraýdaǵy «Nort KaspıanOpereıtıng Kompanı B.V.» kompanııasynyń basyshysy aýysatyn boldy. Bul týraly atalǵan kompanııanyń baspasóz qyzmeti habarlady.
Soltústik Kaspıı jobasyn iske asyratyn bul birden-bir operator kompanııa 2008 jyly qurylǵan. Sodan beri onyń basqarýshy dırektory jáne tóraǵasy qyzmetin Per Offan myrza atqaryp keledi. Endi onyń aldaǵy 1 mamyrdan bastap atqaryp otyrǵan laýazymynan ketetindigi belgili boldy.
Soltústik Kaspıı boıynsha О́nimdi bólisý týraly kelisim aıasynda «Nort KaspıanOpereıtıng Kompanı B.V.» kompanııasyn basqarýshy bolyp Stefan de Maııý taǵaıyndaldy. Halyqaralyq munaı-gaz jobalarynda aýqymdy tájirıbe jınaqtaǵan ol jańa qyzmetine aldaǵy mamyrdan bastap kiriskeli otyr. Osy kezge deıin «EksonMobıl» kompanııasynda otyz jyldan astam jumys jasaǵan Stefan de Maııýdyń eńbek ótili kúrdeli kóp ultty jobalardy, sonymen qatar, túrli elderdegi basqarýshy laýazymyndaǵy qyzmetterdi qamtıdy.
Joldasbek Shópeǵul.
Derekkóz: NKOK kompanııasynyń baspasóz qyzmeti.
Foto: oilnews.kz.