ASTANA. 29 sáýir. Prezıdent janyndaǵy Ortalyq kommýnıkasııalar qyzmetinde ótken brıfıngte Ishki ister mınıstri Qulmuhanbet Qasymov 2020 jylǵa deıin elimizdiń 35 qalasynda jedel basqarý ortalyǵy qurylatynyn jetkizdi. Bul týraly ortcom.kz saıty habarlady.
Brıfıngte Qulmuhanbet Qasymov: «Ishki ister mınıstrligi úshin eń basty mindet – jumysymyzdy ózi kelgen nemese hat-habar arqyly baılanysqan árbir azamattyń ótinishin, muń-muqtajdaryn nazardan tys qaldyrmaıtyndaı etip uıymdastyrý. Memleket basshysy bizden osyna talap etip otyr. Sondyqtan biz, 3 jyldan beri qylmysty esepke alý jáne tirkeý salasynda qatań tártip engizýdemiz, oryn alǵan qylmys týraly ótinishterdi elektrondyq tirkeý júıesin jolǵa qoıdyq. О́tken jyly 2 mıllıonnan astam talap-tilek tirkeldi», – dedi.
Ishki ister mınıstriniń keltirgen málimetine qaraǵanda, sońǵy 3 jylda aýyr qylmys sany 22 paıyzǵa, aıyryqsha aýyr qylmys 14 paıyzǵa, qaraqshylyq 50 paıyzǵa, tonaý 25 paıyzǵa kemigen.
Sondaı-aq, Q.Qasymov: «Kóshede júretin kúsh-qýat quraldaryn basqarý jáne manevrleý úshin jedel basqarý ortalyqtary qurylǵan. Olar barlyq oblys ortalyqtarynda bar. Degenmen, osyndaı qurylymdar 2020 jylǵa deıin elimizdiń 35 qalasynda bolýy kerek. Bıyl Rýdnyı, Shýchınsk, Semeı, Hromtaý qalalaryndaǵy jedel basqarý ortalyqtarynyń qurylysy aıaqtaldy», – dedi.
Joldybaı Bazar.
Derekkóz: ortcom.kz.
Foto: ortcom.kz.