ASTANA. 29 sáýir. Qazaqstanda memlekettik qyzmetkerlerdi konkýrs boıynsha taǵaıyndaý 3,5 ese ósip, aýysý tártibimen taǵaıyndaý 20 esege qysqarǵan. Bul týraly búgin Ortalyq kommýnıkasııa qyzmetinde Memlekettik qyzmet isteri agenttiginiń tóraǵasy Álıhan Baımenov málimdedi.
Memlekettik qyzmet jańa modeliniń aspektileri men «A» korpýsyna irikteýdiń aralyq qorytyndysy jóninde jan jaqty áńgimelegen Á.Baımenov personaldy basqarý qyzmetterin kásibılendirý jaıyna erekshe toqtaldy. Agenttik tóraǵasynyń sózine qaraǵanda, eger buryn aýdandyq jáne aýyldyq deńgeıde negizgi jumysymen qatar «kadr qyzmetiniń» mindetterin oryndaýdy qosa atqaryp júrgen 5 myńǵa jýyq adam jumys istese, al 2013 jyldyń naýryzynan bastap jalpy sany 500 adamnan turatyn 191 personaldy basqarýdyń biryńǵaı qyzmeti qurylǵan. Mine, osyndaı Biryńǵaı konkýrstyq komıssııalardyń arqasynda aýyldyq jáne aýdandyq deńgeıde «áleýmettik lıft» jańasha jumys isteı bastapty. Sondaı-aq «e-qyzmet» personaldy basqarýdyń shoǵyrlanǵan aqparattyq júıesiniń engizilýimen, jańa múmkindikter paıda bolady dep kútilýde.
Memlekettik qyzmetke irikteý quraldaryn jetildirýge qatysty sózinde agenttik tóraǵasy ótken jyldan beri azamattardyń konkýrsty kútpeı-aq testileýden ótýge quqyǵy barlyǵyn jetkizdi. Bul testileýge qatysýshylar sanyn eki esege kóbeıtken. Eger 2011 jyly testileýge orta eseppen aıyna 1950 adam qatyssa, 2012 jyly – 2300, al 2013 jyly 4700 adamǵa jetkeni belgili boldy. Búgingi tańda elimiz boıynsha 25 myń adamnyń qolynda testileýden ótkeni týraly sertıfıkat bar.
Asqar Turapbaıuly.
Derekkóz: egemen.kz.
Foto: news.mail.ru.